آغیز قوخوسونون ندن‌لری و معالیجه‌سی

آغیز قوخوسونون ندن‌لری و معالیجه‌سی

هئچ اولوب‌مو بیر دوست یا دا عزیزینیزین آغیز قوخوسوندان اینجیه‌سینیز؟یوخسا دا بیری سیزین اؤز آغیز قوخونوزدان اینجی‌ییب ،سیزدن چکینه؟!آغیز قوخوسونون ندن‌لرینی و اونون نئجه قاباغینی آلماغی اؤیرنمک ایسته‌ییرسینیزسه بو قیسا یازینی اوخویون.

ایلک باشدا آغیز قوخوسونون ندن لرینه گؤز آتاق :
آلت و اوست تنفس یولو عفونتی
آغ جییر قایناقلی عفونت لر
شکر خسته‌لییی
بؤیرک چاتمازلیغی
قارا جییر چاتمازلیغی
متابولیک پوزغونلوقلاری
آغیز قوخوسونون ندن‌لرینین 87 یوزدهسی آغیز بوشلوغو قایناقلی دیر.بونلار چوروک دیشلردن،دیل‌دن،دیش اتی التهابی،آغیز دا اولان پروتز و…دن قایناقلانار.

images

بو 87% لی ندنلرین قاباغینی آلماق اوچون 10 سؤز( نوکته):

1 -دیش لرینیزی و دیش‌ ات‌لرینیزی قورویون
دیش چوروک‌لری و دیش اتی التهابلاری؛ آغیز قوخوسونون اؤنملی ندن‌لریندن دیر.دیش چوروک‌لرینی دوزه‌لتملی سینیز(دوقتور واسیطه سیله)، دیش‌لری ده تمیز ساخلامالیسینیز.

2- آغیز دا اولان پروتز و کؤرپولری کنترل ائتدیرین
آغیز ایچینده‌کی کؤهنلمیش کؤرپو و دیش پروتزلر زامان سوره‌جینده یئمک ییغیلماسینا یول آچدیغیندان پیس قوخولارا ندن اولا بیلر.

3 ساققیز چئینه‌یین
توپورجک،آغیز قوخوسو ایله ساواشمانین ان گوجلو یولودور!ایچینده یئمک پارچاجیغلارینی یئریندن سؤکوب معده یه گؤندره‌جک گوجلو آنزیم لر گوجلو باکتری اؤلدوروجو آنتی بیوتیکلری واردیر

4 دارچین قوللانین (دارچین دن یارارلانین)
ایچه‌جک لرینیزده و اویغون یئیه‌جک لرینیزده دارچین قوللانابیلرسینیز.دارچین آغیز ایچی باکتری لرله مجادله ده اؤنملی بیر سیلاح دیر.

5- داها چوخ سو ایچین

چوخ سو ایچمک اونلارجا باشقا یارارین یانیندا دیلینیزین قوروماسینی دا اؤنله‌یه رک(جلوگیری) آغیز قوخوسو ایله مجادله ده اؤنملی بیر سیلاح اولاراق قوللانابیلر

6- بورنو تیخالی یاتمایین
سینوزیت کیمی هاوا یولو راحاتسیزلیقلاری و بورون تیخانماسینا ندن اولان باشقا دوروم لار،گئجه لری آغیزدان نفس آلمامیزا ندن اولار بو دورم آغزی و بوغازی قوروداراق باکتری لرین آرتماسی اوچون یاخشی بیر محیط یارادار

7 -شکر توکتیمیزی آزالدین (شکر مصرفیزی آزالدین)
آغ اون،آغ شکر،گلوگوز/فروکتوز، شربت ایله دادلاندیریلمیش بوتون حاضیر یئمک لر آغیز ایچینده‌کی باکتری لر اوچون اینانیلماز بیر خزینه دیر(ثروت).ساده شکرلر(باسیت) دیش چوروکلرینه ندن اولار و آغیز ساغلیغینی یوخاری سورعتله پوزارلار.

8- لقمه لری یاخشی چئینه یین
بو ایش له یئیه‌جکلرله توپورجک ترشحو یاخشی جا قاریشار و آغیزدا یئمک پارچاسی قالما احتمالی دوشر.داها چوخ چئینه‌مه داها چوخ باکترینین یئریندن قوپاراق معده یه گئتمه سینه یاردیمجی اولار

9- دیش ایپی قوللانین( دیش ساپی :)
دیش ایپی نین ایشلتمه سی ایله فیرچانین چیخاردابیلمه دیی باکتری و یئمک آرتیغلارینی چیخاردابیلرسینیز

10- سیگار چکمه یین
سیگار چکمک آغیز قورولوغونا ندن اولدوغونا گؤره آغیز قوخوسونا ندن اولار.دیش‌اتی التهاب‌لارینا دا ایمکان یارادار.

یازیچی: آیدا صالحی

مطالب پیشنهادی :

باخیش گؤندر