لیمون سویونون 10 فایداسی

لیمون سویونون 10 فایداسی

چکی آزالتما
لیمون [لیمو] سویونون أن چوخ بیلینن فایدالاریندان‌ بیری آریقلاما تأثیری‌دیر. أن یاخشی نتیجه اوچون هر سحر 1 ایستکان ایلیق [ولرم] سویا لیمون سویو و بیر آز بال قاریشدیریب بونو ایچین. لیمون‌لو سو بدنینیزین چوخ یاغ توتماسی‌نین قباغینی آلار، سو ایچمک یاغ‌لاردان قورتولماق اوچون چوخ اؤنملی‌دیر [مهم‌دور]. چون بدن سوسوز قالدیغیندا داها چوخ یاغلانار، یئترلی مقداردا سو قبول ائتسه‌نیز، بدنینیزین نورمال‌دان داها چوخ یاغ ییغماسینا مانع تؤرتمیش اولارسینیز. لیمون سویو قان دؤورانینی آرتیرا‌راق، کالوری یاندیرماغی تأمین ائدر و مادده‌لر مبادله‌سی تووونو آرتیریر.

limon-suyu-kilo-vermeye-yardimci-olur-muزهر آییران
لیمون بدنی دئتوکس ائدن، بدنیمیزی ضررلی زهرلی سولاردان تمیزله‌ین و کیمیوی توللانتی‌لاردان [شیمیایی زیبیل‌لردن] قورتاران چوخ تانینمیش بیر مئیوه‌دیر. ساغلام یاشاماق ایسته‌ییریک‌سه، لیمونو و لیمون سویونو سوفره‌میزدن اسکیک ائتمه‌مه‌لیییک.
سو ایچدیگیمیزده ایچینه بیر آز لیمون سیخا‌راق و یا چاییمیزا لیمون سویو آرتیراراق لیمون سویون‌دان فایدا‌لانا بیله‌ریک.

قاراجییری تمیزله‌ییر
قاراجییر [کبد] ساغلام بیر بدن اوچون چوخ اؤنملی‌دیر. قاراجییرین بدنیمیزده یوزلرله وظیفه‌سی واردیر. بون‌لاردان بعضی‌لری معین ویتامین‌لر ییغیب، ائنئرژییه چئویرمک، قان‌داکی شکر، یاغ نسبت‌لرینی یولونا سالماقدیر. توکسین [زهر/سم] ییغیلمیش، یورولموش بیر قاراجییر ائتمه‌سی لازیم اولان وظیفه‌لری یئرینه یئتیره بیلمز و آلئرژی‌یه داخل بیر چوخ خسته‌لیک قاپیمیزی دؤیمه‌یه باشلایار. قاراجییری دئتوکس ائتمکده لیمون سویو چوخ تأثیرلی‌دیر. طبیعی بیر ادرار قوووجو اولان لیمون سویو عینی زاماندا بؤیرک‌لری تمیزلیر و بدنی چیرک‌لردن قورویار.

تنفس چتینلیک‌لری آرادان آپاریر
لیمون سویو اؤسکورک [سرفه] داخیل، آسم، آلئرژی کیمی نفس چتینلییی یاشایان‌لارا طبیعی شفا قایناغی‌دیر. راحات نفس آلماق اوچون هر گون ایچدیگینیز سولارا آزجا لیمون سویو قاتین.

limon suyuپارلاق ده‌ری
لیمونون ده‌ری [پوست] اوزرینده اولومسوز [منفی] ائتکیسی [تأثیری] تجربه‌یله و ائدیلن تجربه‌لرله ثبوت ائدیلمیش‌دیر. لیمون بدنی ایچدن تمیزلیر، زهر‌لردن، زهرلی توللانتی‌لاردان تمیزلنمیش بیر بدن گؤزل بیر ده‌ری‌یه یولا آچار. لیمون سویونون بیر خصوصیتی ده آنتی-آگینگ، یعنی یاشلانما ضدی و جاوانلاشدیریجی اولماسی‌دیر. سیتریک اسید باخیمین‌دان زنگین [غنی] اولان لیمون سویو قیریش‌لاری [چین وچروک] آزالتماقلا یاناشی سیزاناق [لکه/خال] معا‌لجه‌سینده ده استفاده ائدیله بیلر.
آغیز ساغلاملیغی [بهداشت دهان و دندان]
سیتروس [مرکبات] مئیوه‌لری‌لر آغیز قوخوسویلا، دیش آغری‌سی و چورومه‌لریله دؤیوشن طبیعی قیدا‌لاردیر. نفسینیز پیس اییی وئریرسه، لیمون سویو ایله قارقارا ائتمه‌یی مصلحت‌دیر.

limon suyu 3
سحرچاغی اورک بولانما‌لاری
خصوصیله بویلو [حامله] قادین‌لاردا سحر بولانماسی چوخ سیخ گؤروله بیلیر. بونون اوچون بیر ایستکان ایلیق سویا بیر آز لیمون سویونو تؤکوب ایچمک‌دیر. بولانمانیز یونگول‌لشه‌جک.

باغیرساق‌لاری تمیزلمه
لیمون سویو باغیرساق‌لاری [روده‌=باغیرساق] تمیزلمکده کؤمک اولان بیتکی منشأ‌لی بیر درمان‌دیر. سینمه‌یی [هضمی/هضم=سینمه/سینیش] راحاتلاشدیرماسی‌نین یانیندا بدنی زهر‌لردن تمیزله‌ییب باغیرساق‌لاری ایشله‌در.

لینفا سیستئمی [سیستم لنفاوی]
لیمون سویو بؤیرک اوستو وزلری‌نین [غده] یورغون‌لوغونو و سوسوز قالماسی‌نین قاباغینی آلار.

*حاضیرلایان: حسین واحدی

مطالب پیشنهادی :

باخیش گؤندر