بویلولوقدا نئجه سو ایچمه‌لی‌ییک

بویلولوقدا نئجه سو ایچمه‌لی‌ییک

بویلولوق(حامیله‌لیک) دؤورانیندان،قانین حجمی یاقلاشیق(تقریبا) یاریم قات چوخالیر.بواوزدن،بویلو قادین‌لار یئترلی قدرسو و یا باشقا ایچکی‌لری(ایشمه‌لی) ایچمه‌لی‌دیرلر.بویلو آنا ،گونده اورتالاما(به طور متوسط) 10-12 لیوان سو ایچمه‌لی‌دیر.باشقا ایچکی‌لرین؛ تهلوکه‌لی قاتقی‌لاری(افزودنی های غیرمجاز)اولماسا سویون یئرین آزماچوخ وئره بیلر.

بویلو خانیم‌لار هر زامان سولو قیدالاری‌ توکتمه‌لی‌دیرلر(مصرف ائله‌مه‌لی‌دیرلر)؛بیرینجی و اوستون(برتر) سئچه‌نک(گزینه) بو قونودا سو دور.سو بدنی ساغلام بیر دورومدا ساخلاماق‌دان علاوه،غذانین سیندیریلماسیندا(هضمینده)،اوکسیژنین بدنده داشینماسیندا(انتقال) و سلول‌لارین ایشله‌نیشینده یاردیمجی اولور. سو بسین(مغذی) موادلاری آنانین بدنینده اولان جنین‌ه داشییار.آنانین بدنیندن اولان سو؛جنینی باتماز(شناور) حالیندا ساخلایان مایعی‌سی‌نی اوره‌تیر(تولید ائله‌ییر) .119374
سو، بویلو قادینین بدنیندن سم‌لرین بوشالماسینا یاردیمجی(کؤمکچی) اولور.سودوک یولو عفونتی(عفونت مجرای ادرار)؛ بویلو قادین‌لارین ان یاییقین (شایع)سورون‌لاریندان‌دیر؛یئتریلی قدر سویون ایچمه‌یی،سم‌لرین بدن‌دن بوشالماسی‌نا سبب اولاراق،سودوک یولون عفونتین‌ قاباغی‌نی آلار.
دئمه‌لی‌دیر؛ بویلو قادین‌لار نه قدر سو ایچسه‌لر،سویون بدنده ییغیشماغین احتمالی‌نی و ال- آیاقلارین شیشمه‌سین آزالدار .بواوزدن بویلو قادین‌لار سوسوزلوق حیسسی ائدرکن ،یئترلی قدر (به قدر کافی)سو ایچمه‌لری گرکیر.اینسان سوسوزلاماسی؛بدنین سو اؤلچومونون آزالماسینا بیر گؤستر‌گه‌دیر(شاخص‌دیر)!13798683550

بویلو خانیم‌لار بدن‌لرینه لازیم اولان سویونو تامین ائتمک اوچون؛سو‌دان علاوه، میوه سویونا قوللانا بیلرلر ، اما قهوه و نیسکافه کیمی کافئین‌لی ایچکی‌لرین ایچمه‌یین‌دن چکینمه‌لی‌دیرلر ؛کافئین ، جنین و آنانین ساغلیغینا ضرردیر.شوکولات و قهوه‌ده اولان کافئین؛ بویلو خانیمین قان باسینیجی(فشار خون) و اورک آتیمی‌نین چوخالماسینا ندن اولا بیلر.

مطالب پیشنهادی :

باخیش گؤندر