قاینار چای ایچمه‌یین ،سرطان یارادا بیلر

قاینار چای ایچمه‌یین ،سرطان یارادا بیلر

چایی فینجانینیزا سوزدوک‌ده توستولنمه‌یینی و اونو بئله قاینار حالدا ایچمه‌یی سئویرسینیزسه، بونون نه درجه ده زیان‌لی اولدوغونو بیلدیکدن سونرا، بو وئردیشینیزدن واز کئچه‌جکسینیز.آپاریلان یئنی آراشدیرمالار، قهوه و چای کیمی ایچکی‌لرین حددیندن آرتیق قاینار شکیلده ایچیلمه‌سینین، اولدوقجا ضررلی اولدوغونو اورتایا چیخاریب.

ایرانلی علم آداملاری الکل‌لی ایچکی‌لر و توتون ممولاتلاری کیمی قاینار چایین دا، یئمک بوروسو سرطانینا سبب اولدوغونون نتیجه‌سین وئریبلر. اوددان ته‌زه گؤتورولموش قاینار ایچکی‌لر بوغازین توخومالارینی زده‌له‌ییر و بونونلادا سرطانا یولوخما ریسکی آرتیر.
تئهران اونیوئرسیته‌تی طیب عئلمی آراشدیرماچیلاری طرفیندن آپاریلان آراشدیرما ” British Medical Journal ” آدلی طیب ای ژورنالدا دا اؤز عکسینی تاپیب. اورتا شرق اؤلکه لرینده بوغاز سرطانی نیسبت-اینین بو قدر یوکسک اولماسی، قاینار چایدان ایستیفاده ایله علاقه‌لندیریلیر. چونکی بو اؤلکه‌لرده سیگار و الکل‌لی ایچکی‌لردن ایستیفاده اولونمور. آنجاق قاینار چای مقبول دور.Hot-Spiced-Green-Tea-Recipe
علم آداملاری آراشدیرما اوچون 300 سرطان خسته‌سی اولان و 571 سرطانا توتولما ریسکی یوکسک اولان اینسانین، چای ایچمه‌یه وئردیشلرینی تدقیق ائدیب. آراشدیرما اوچون کؤنوللو اولان اینسانلارین دئمک اولار کی، هامیسی مونتظم اولاراق قارا چایدان ایستیفاده ائدیردی.
آراشدیرما نتیجه‌سین‌ده ، قاینار حالدا فینجانا سوزولن و بیر نئچه دقیقه عرضینده ایچیلن چایین، خرچنگ ریسکینی 5 دفه آرتیردیغی موشاهیده اولونوب.
قاینار ایچکی‌لر ایچمه ‌یین نه‌یه گؤره سرطانا سبب اولدوغو ایسه، یوکسک ایستی‌لیین زیانلی تاثیری ایله ایضاح اولونوب. حددیندن آرتیق ایستی مایئع بوغاز و یئمک بوروسونا ضرر وئریر.

یازیچی: سمیرا دل‌آرام

مطالب پیشنهادی :

4 نظر

  1. riza می‌گه:

    çox gözel web seyfe çalişmasidi ve gözel xeberleriviz var ancax erbalfabesinen oxumax çox zor olur bezen olmaz latin seçeneğide sunasiz?
    elinize saglix

باخیش گؤندر