قیرمیزی گزه‌گن، مارس-دا آخار سو تاپیلدی

قیرمیزی گزه‌گن، مارس-دا آخار سو تاپیلدی

آمریکا هاواچیلیق{هواشناسی} و اوزای{فضا} دایره‌سی، ناسا-نین بو گون «قیرمیزی گزه‌گن» مارس-لا{مریخ} ایلگیلی وئردییی آچیقلاما، علم دونیاسیندا هیجان یاراتدی.
ناسا-نین، مارس-دا «سو» تاپدیغی و آچیقلاماسی بو گون علم دونیاسینا بؤیوک اوغور کیمی سانیلیر.

ناسا، توپلومسال پایلاشما سایتی Twitter-دن ائتدیی آچیقلامادا، بو گون کئچیریله‌جک مطبوعات کنفرانسیندا، «قیرمیزی گزه‌گن» مارس-لا ایلگیلی اؤنملی بیر گؤروشون آچیقلاناجاغی‌نی بیلدیردی.
«سیرلی بیر دونیا، مارس» آدییلا وئریلن آچیقلامادا، «قیرمیزی گزه‌گن‌ده‌کی» اؤنملی تاپینتی‌نین، بو گون بیر مطبوعات کونفرانسییلا ائشیتدیریله‌جه‎یی بیلدیریلیب.

201509281853_84

ناسا-نین، مارس-ین آلت قابین‌دا «آخار سو» تاپدیغی و بو قونوداکی آچیقلاماسی، بو گون دونیایا چاتدیریلاجاق.
ناسا-داکی آچیقلامانی، آریزونا بیلی‌یوردوندان  McEwen Alfred ایله گئورگیا تکنیک انستیتوسوندان Lujendra Ojha وئره‌جک. آد آپاردیغیمیز بیلیم اینسانلاری،  مارس‌داکی «آخار سو» قونوسوندا اوزون زامان آپاردیقلاری آراشدیرمالارلا تانینیرلار.

201509281853_85

دوز مولکولو «پئرکلرات» اؤنجه‌دن تاپیلمیشدی.
۲۰۱۵-جی ایلین ایلک آیلاریندا، ناسا-نین مارس اوزه‌رینه گؤندردییی Curiosity آراجی{دستگاه}، کلسیوم پئرکلرات آدلی بیر دوز مولکولو تاپمیشدیر.
بو تاپینتی، مارس-ین اوست قابیغینا یاخین، یئرآلتی سو قایناقلاری‌نین اولا بیله‌جک فیکرینی داها گوجلندیرمیشدی.

201509281853_82

قایناق:isna & ntv.com.tr & euronews

مطالب پیشنهادی :

2 نظر

باخیش گؤندر