نوبل ادبیات اؤدولونو سوتلانا آلئکسی‌یئویچ آلدی

نوبل ادبیات اؤدولونو سوتلانا آلئکسی‌یئویچ آلدی

ایسوئچ آکادئمیسی 2015 نوبل ادبیات اؤدولونو، بئلاروسلو قزئته‌جی سوتلانا آلئکسی‌یئویچ‌ین قازاندیغینی آچیقلادی.

بیلیم سسی: نوبل ادبیات اؤدولونو سوتلانا آلئکسی‌یئویچ (Svetlana Alexievich) آلدی.

بئلاروسلو، آراشدیرماچی قزئته‌چی و یازار «سوتلانا آلئکساندروونا آلئکسی‌یئویچ» بیر نئچه آدای آراسیندا بو ایلین ادبیات بؤلومونده نوبل اؤدولونو قازاندی. آدی کئچن اوبیری یازارلار ایسه ژاپون “هاروکی موراکامی”، کئنیالی “نگوگی وا تیونگ”و ایله آمئریکالی یازارلاری “فیلیپ روث” و “ژویس کارول اوآتئس” اولاراق سیرالانمیشدی.

آکادمی’نین باشقانی سارا دانیوس آچیقلاماسیندا، ” آلئکسی‌یئویچ‌ین چالیشمالاری، گونوموز دونیاسیندا نئچه‌سسلی‌لییین راویسی اولاراق، چتینلیک (اذیت) و جسارتین آنیتی‌دیر” دئدی. 31 مئی 1948 دوغوملوسو اولان، 67 یاشیندا یازار، اون دؤردونجو نوبل اؤدولونو قازانان‌ قادین‌دیر. چرنوبیل‌دن سس‌لر اونون أن آدلیم اثری ساییلیر.

2015 nobel

سوتلانا آلئکسی‌یئویچ‌ نئچه قیسا اؤیکو، بیلیم‌سل یازی (مقاله) و راپور (گزارش) یازیب‌دیر آنجاق آلدیغی بو اؤدول اؤزل ژانر-دا یازدیغی، اینسانلارین اؤز دیلیندن سؤیله‌دیک‌لری ریوایت‌لره گؤره‌دیر. بو ژانردا اوندان اؤنجه برتراند راسل  و وینیستون چئرچیل بو اؤدولو قازانمیش‌دیلار. بو تورده یازیلان اثرلره “جمعی رومان” یا “بلگه‌لی رومان” دئییلیر.
سوتلانا آلئکسی‌یئویچ‌ین آدلیم اثرلریندن چرنوبیل‌دن سس‌لر، نووه فلاکتی‌نین سؤزلو تاریخی، نازی ایشغالیندا سووئت قادینلار، اؤلوم افسون‌لاری کیمی کیتابلارینا توخونماق اولار.

نوبل ادبیات اؤدولو  1901 میلادی ایلیندن ایندیه‌دک، 106 دفعه، 111 یازارا سونولوب‌‍دور.

nobel-edebiyat-odulunu-svetlana-aleksiyevic-aldi-6145257
آرتیرمالی‌دیر بوندان اؤنجه 2015 نوبل شیمی اؤدولونو قازانانلارین ایچینده تورکیه‌لی پروفسور عزیز سانجار آدلی قوزئی کارولینا بیلی یوردونون آکادئمیسییَن و آراشدیرماچی‌سی دا یئر آلمیشدیر.

مطالب پیشنهادی :

4 نظر

    باخیش گؤندر