“دؤکتور مبین‌”ین قیرخ تؤره‌نی چهارشنبه گونو کئچیریله‌جکدیر

“دؤکتور مبین‌”ین قیرخ تؤره‌نی چهارشنبه گونو کئچیریله‌جکدیر

رحمتلیک دؤکتورمحمدحسین مبین‌ین،قیرخ تؤره‌نی چهارشنبه گونو جواد الائمه مسجیدین‌ده کئچیریله‌جکدیر.ایران جوذامی‌لرین معنوی آتاسی‌نین قیرخ تؤره‌نی ساعات15-17ده ولیعصر کویون جواد الائمه مسجیدینده کئچیریله‌جکدیر.

دؤکتور مبین ایران جوذامی‌لرین معنوی آتاسی حکیم ،یازار و شاعیر مهر آیی‌نین آلتی‌سیندا دوغولدوغو شهرده دونیاسینی ده‌ییشدی.۱۹۲۷- جی ایلده تبریزده آنا‌دان اولان سید محمدحسین، ایلک، اورتا و آلی تحصیلینی دوغولدوغو شهرده آلیب. ۲۸ یاشیندا ایکن تبریز طیب اونیورسیته‌سینی بیتیرن مبین؛ ۱۹۶۲-جی ایلدن باشلایا‌راق اولوسلار آراسی ساغلیق تشکیلاتی‌نین مالیه‌سی ایله ایسپانیا، پورتغال، نیجریه و مالی دولت‌لرینده طب تحصیلینی تکمیللشدیریب.وطنه دؤندوک‌دن سونرا تبریز یاخینلیغین‌داکی باباباغی بؤلگه‌سینده جوذامی‌لره خیدمت ائدیبدیر.
ایران جوذامی‌لرین آتاسی دؤکتورلوکدن علاوه،اوشاق و آذربایجان‌ین ادبیاتی حاقدا چالیشمالاری و نئچه عنوان کیتابا صاحیب ایدی.12189123_1634871370100813_7115037098108554561_n

دؤکتور محمدحسین مبین‌ین قلمی‌له یازیلان کیتاب‌لار:
– به یاد شهریار (سوگواره و سوگ نامه ها )
۲ – سخنان عارفانه و نصایح حکیمانه نظامی گنجوی
۳ – شیطان در شعر شهریار (گامی در راستای شهریار شناسی)
۴ – غنچه های خونین (قانلی چیچکلر)
۵ – عاشیقلار (مقدمه ای بر کتاب آذربایجان عاشیقلاری)
۶ – قاپیمیز آچیلیرگونشه ساری (مقدمه ای بر کتاب شعر ذوالفقار کمالی)
۷ – آچیل چتریم آچیل (اوشاقلار ادبیاتی”۱″)
۸ – گل باهاریم گل (اوشاقلارادبیاتی “۲″)
۹ – قوش یوواسی (اوشاقلار ادبیاتی “۳″)
۱۰ – تبریز گنجه نهفته در بسته تاریخ و اشعار و قطعات منظوم دیگر از قبیل: حماسه خونین انقلاب اسلامی، سارای جذامی، آی بالام باغدا ناوار؟ ، رسامین قلمینده طبیعت جانلانیر و …

دئمه‌لیدیر دؤکتور مبین؛اینسان سئور ایش‌لرینه گؤره ؛یونسیف هؤرگوتوندن دفعه‌لرله تقدیره لاییق گؤرونموشدو.

مطالب پیشنهادی :

باخیش گؤندر