اوچ بویوتلو فورمت‌لی فیلمه باخماق خئییرلی ایمیش

اوچ بویوتلو فورمت‌لی فیلمه باخماق خئییرلی ایمیش

بیلیم سسی – RealD شرکتی لندن‌ده آراشدیرمالار آپارماق اوچون قروپ یارادیب.
آراشدیرمانی آپاران اوزمانلار، نئورولوق‌لار (بئیین ایله عصب اوزمانلاری) اینسان بئیینی‌نین آکتیولییی ایزلمه‌یه کؤمک ائدن جیهازی (دستگاهی) قوللانیبلار.
Dni24 سایتی خبر وئریر ، ایکی قروپ اینسان فیلم‌لره مختلف فورمتده باخیب. بیر قروپو فیلمه 2D، اوبیری‌لر ایسه همن فیلمه 3D فورمتینده باخیب. آنجاق آدام‌لار فیلمه باخماقدان اؤنجه عاغیل (هوش) تئستین‌دن کئچیب‌لر. تاماشاچی‌لار فیلمه باخاندان سونرا بیر یئرده اونو بحث ائدیب، فیلمین خوشلارینا گلن و گلمه‌ین یئرلری باره‌ده بیلگی‌لر وئریب‌لر. بحث‌دن سونرا آدام‌لار بیر داها عاغیل تئستین‌دن کئچیب‌لر. بللی اولوب، فیلمی 3D فورمتینده ایزله‌ین‌لرین قاوراما (ادراک) قابلیتی یوزده 11 آرتیب.

3d

فیلمه 2D فورمتینده باخان آدام‌لارین اوزه‌رینده آپاریلان موافق تئست‌دن سونرا ایسه بللی اولونوب، اونلارین قاوراماسی یوزده 2 آرتیب. اوزمانلارین دوشوندویونه گؤره، فیلمه 3D فورمتینده باخیلماسی باش بئیینین ایشینی یاخشیلاشدیریر. بللی اولونوب، بئینین بیلیشسل (شناخت/تانیما) ایشله‌وی (عملکردی) بیر نئچه دفعه یاخشیلاشیب.

مطالب پیشنهادی :

باخیش گؤندر