تئکنولوژی دوردوغو یئرده دایانمیر

تئکنولوژی دوردوغو یئرده دایانمیر

Wi Fi تئکنولوژیسی‌نین چاتیشمامازلیقلارینی{یئتَرسیزلیکلرینی، کمبودلارینی} آرادان قالدیرماق، Li Fi  آدلی، یئنی بیر تئکنولوژی‌نین یارانماسینا ندن اولدو.
چوخلاریمیز ائویمیزده، ایش یئریمیزده کابل‌سیز مودم‌لرله اینترنته باغلانیریق. اما بو مودم‌لرین هم توتومو آزدیر همی ده قوللانیجی‌لارین آرتماسییلا، سرعتی داها دا یاواشلانیر.

۲۰۱۱-جی ایلدن بری، بؤیوک صنایع آراشدیریجی‌لاری، Wi Fi یئرینه Li Fi دئییلَن بیر تئکنولوژی‌نی قوللانماغا چالیشیرلار. سون اولاراق چین-ین شانگهای شهرین‌ده‌کی فودان بیلی‌یوردوندا آراشدیرمالار داوام ائدیر.
بو آراشدیریجی‌لار، «دیتا»لارین، رادیو دالغالاری یئرینه ایشیقلا داشینا بیله‌جه‌یینی بیلدیریبلر.

li-fi-wi-finin-yerini-alabilir-1-bilimfilicom

ایندییه کیمی اَلده ائدیلن سونوجلار، Li Fi دئییلَن بو سیستئمین اَسکی Wi Fi-دان ۱۰ قات داها سرعت‌لی اولدوغونو گؤستَریر.
Wi Fi-ین آشاغی فرکانس‌دا چالیشدیغی اوچون، دیتا داشیماق یئته‌نه‌یی{قابلیتی} آشاغی‌دیر.
آنجاق Li Fi سیستئمی ایله، یعنی ایشیق‌لا{LED لامپ‌لارلا}، داها یوکسک فرکانس‌لارا قوووشماق اولاجاق.

72805d9a222d6e1d272b8a6052b5d8f2

طبیعی کی، بو سیستئمین منفی یؤنلری ده وار.
اَن اؤنملی‌سی ده بودور کی، سیستئم، یالنیز لامپانین اولدوغو اوتاق‌دا ایش وئریر. نوت بوک-و(گوشی- لپ تاب و …) گؤتوروب اوتاقدان چیخدیغینیزدا، اینترنت باغلانتینیز دا کسیلیر.
بو ندن‌له Li Fi سیستئمی‌نین هله‌لیک بو تئزلییه Wi Fi-ین یئرینی توتماسی گؤزله‌نیلمیر.
آنجاق ایشلر داوام ائدیر و بو سورون آشیلابیلَرسه، دئمک اولار کی داها چوخ «دیتا»نی داشییا بیلَن بیر تئکنولوژییه آل تاپمیشیق.
یاخیندا ائولریمیزده‌کی ساده ایشیقلاندیرما جیهازلاری ایله اینترنته باغلانماغا باشلایاجاغیق، خبرینیز اولسون دئدیم.

قایناق:  bilimfili & bbc & cnnturk & hürriyet

مطالب پیشنهادی :

باخیش گؤندر