سالماسدا، “سالماس تانیتیمی” علمی اوتورومو

سالماسدا، “سالماس تانیتیمی” علمی اوتورومو

بو گون آبان آیینین 25 میلی سردار ستارخانین یوز بیرینجی شهادت ایل دؤنومونده “آذربایجان مدنیت ائوی ” NGO سو ایلک دفعه اولاراق “سالماس تانیتیمی” آچیق اوتورومو تشکیل ائتدی. بو اوتوروم آذربایجان عالیملری، شاعیرلری و محقق لرینین اشتراکی ایله و سالماسلی همشهریلرینین گئنیش ایستیقبالی ایله قارشیلاندی.

بو علمی اوتورومدا دوکتور توحید ملک زاده دیلمقانی سالماس تاریخینین قدیملییی و اورتا دوغودا بوراخدیغی اولوملو تاثیراتیندان دانیشیب و اسکی پروتو تورک اولان اورارتولارین ایکینجی پایتختی اولدوغونو وورغولایاراق، معاصر تاریخده سالماسین وارلیغینا ضربه ووران “جیلولوق”،” اسماعیل سیمیتقو “و زلزله فاجیعه لری حاقیندا بیلگی وئردیلر. دوکتور ملک زاده اون ایکی مین ایللیک سالماس تاریخی کیتابینین دا یئنی دن نئچه نجی دفعه اولاراق چاپ حاضیر اولدوغونو بیلدیره رک، تاریخی قونولارین اؤیره نمه سینین اهمیتینی وورغولادی.
سونرا اوستاد پرویز یکانی آذربایجان ادبی محیطی و سالماس شاعیر و یازیچی لارینین بو ادبی محیط ده رولوندان و آذربایجان ادبیاتینین کئچیردییی مرحله لردن و بو ادبیاتینین میلتین گونده لیک یاشامیندا اولان تاثیرلریندن بحث ائدیب و تورک دیلی نین زنگین لیی و اصالتیندن سؤز آچاراق ادبیاتین توپلومون معنوی حیاتیندا رولونو ایضاح ائتدیلر.سالماس1
استاد کاظم عباسی تانینمیش فولکولور آراشدیرماچی سی بو اوتورومدا کولتورون فرقلی تعریفلرینی ارائه وئریب و فولکولورون کولتورون ایچینده یئرینی ایضاح ائده رک، فولکولورون مولیفینین بللی بیر شخص یوخ عموم توپلومون اولدوغونو سؤیله یرک، آذربایجان فولکولورونون چوخ گئنیش اولدوغونو و گئنیش، علمی و هر یؤنلو آراشدیریلماسینا احتیاج اولدوغونو بیلدیردی لر.

استاد علی اصغر غفوری نیا ایسه رسمی تلویزیونون کئچن هفته “فیتیله” آدلی پروقرامیندا آذربایجان تورکلرینه اولان توهینینی چیرکین، قبول اولونماز و هنره سیغمایان بیر داورانیش اولاراق بیلدیریب و بو ایشین عامل لری ایله قانون و محکمه یول ایله تپگی وئریلمه سینی و جزالاندیریلماسینی توصیه ائتدیلر. استاد غفوری نیا ایقتیصادی گلیشمه نین علمی، کولتورل ساحه ده اولان تاثیریندن سؤز ائدیب بیلدیردی لر کی نه قدر وطنیمیز اقتصادی باخیمدان گوجلنیب و اینکیشاف ائدیرسه او قدر میلتیمیزده گوجلنیب و مدنیتیمیز ده گلیشه جکدیر. اوستاد غفوری نیا سوزلرینین سونوندا بیر گون گلجک یئنه اورمو گؤلوموز سو ایله دولوب و یئنه اوشاقلاریمیزین شادلیق و سئوینج سسلری بو گؤلدن گله جک.سالماس
جناب مسعود حاجی علیلو سالماس فرمانداری، “آذربایجان مدنیت ائوینین” زحمتلریندن تشکور ائدیب، بیلدیردی لر کی بو NGO نون مسؤلاری و اعضاسی سالماسین سایغین و ده یرلی، مدنی و علمی شخصیتلری دیرلر و بو گون بو مراسیمین قارشیسیندا یارانان بوتون انگللر و حاقسیزلیق لارا قارشی گله رک بو مراسیمی قورماغا باشاردیلار.

جناب حاجی علیلو آذربایجان مدنیت ائوی نه و اونون قوردوغو مراسیم لری تخریب ائدن چئوره لری اویاریب، “آذربایجان مدنیت ائوی” نین سالماسین گؤز ببه یی و آزربایجانین ده یرلی بیر قورولوشو اولدوغونو بیلدیریب و بو گونکی مراسیمین قاباغیندا انگل یارادان چئوره لری قینادیغینی بیلدیریب و بو NGO نون اجتماعی_کولتورل اؤنملی و ده یرلی بیر مرکز اولدوغو اوچون تشکور ائدیب، و سؤزلرینین سونوندا فتیله پروقرامیندا تورکلره قارشی اولان توهینه اعتراضینی بیلدیریب و بو چیرکین توهینلی پروقرامین حاضیرلایانلارین جزالاندیریلماسینی ایسته دی.

مطالب پیشنهادی :

باخیش گؤندر