آغیللی تلفون‌لار سکس یاشامینیزی ائتگی‌لندیریر

آغیللی تلفون‌لار سکس یاشامینیزی ائتگی‌لندیریر

اینسان یاشامی‌نین وازکئچیلمزلری{ضروری- گرکلی‌‌لری} آراسیندا، آغیللی تلفون‌لار و تبلت‌لر، یاشام موتسوزلوغونون اَن اؤنملی ندن‌لریندن ساییلیر.
آراش‌دیرمالار، بو جیهازلارین، اینسانین سکس یاشامینیدا اولومسوز{منفی} ائتگی قویدوغونو گؤستَریر.
هلند-ده آپاریلان بیر آراشدیرمادا، هر ۳ اینساندان بیری، سکس یاشاملارینین گئریلَنمه‌سینی، آغیللی تلفونلار و تبلت‌لرین اولماسییلا ایلگیلی دوشونورلر.
بیر آراشدیرما شیرکتی‌نین گئرچک‌لشدیردییی ایشه گؤره، هلندلی‌لرین یوزده ۶۰-ی، یاتاغا جیب تلفونو ایله کئچیرلر. بونلارین یاریسی، هفته‌نین هر گونو بونو تکرارلاییر.

564dc25f0f25447a94fc16e9

جیب تلفون‌لاری، اسپرم کیفیتی‌نی{کالیته‌سینی} ده ائتگی‌له‌ییر
۲5-۳۴ یاشلی هلندلی‌لرین یاریسی، تلفون‌لارینی، یاتاق اوتاقلارینداکی یاستیغین آلتینا یئرلَشدیردیکلریندن دولایی، سکسی ایستکلری‌نین آزالدیغینی بیلدیریرلر.
سونوجلاری تلگراف درگی‌سینده آچیقلایان سکسولوق van Morst، یاتاقدا تلویزیونون اولماسییلا دا همن سورونون یاشاندیغینی وورغولاییر.

121021203434_sex_couple_624x351_sciencephotolibrary

دیجیتال‌سیز بیر آخشام کئچیرین
بیر چوخ اینسانلار بئله دوشونورلر کی آغیللی تلفونلار اونلارین یاشامینی یونَلدیر.
آنجاق van Morst، «یئتگین‌لر{بالغ اینسانلار} اشیانین صاحیبی‌دیر، اشیا یئتگینین صاحیبی دئییل» دئییر.
van Morst ، بو سورونلا اوزله‌شَن سئوگیلی‌لره، دیجیتال جیهازلاردان اوزاق بیر آخشام اؤنَریر. آغیللی تلفونلارلا یاشاملاری ائتگیله‌نن اینسانلارین، هئچ اولمازسا بیر آخشام بو جیهازلاردان اوزاق قالماغی‌نین گرکلی اولدوغونو سؤیله‌ییر.
سئوگیلی‌لرین بئله آنلاردا تلویزیوندان دا اوزاق اولماسینی گرکلی گؤرن سکسولوق، بونونلا بیرلیک‌ده دینجَلدیجی موسیقی‌لری ده اؤنملی گؤرور.

150519145840_males_gch_couple_640x360_thinkstock_nocredit

تلفونلار یوخوسوزلوغا دا ندن اولور
یوخو متخصصی Hansa Hamburger-ین بیلدیردیینه گؤره:  آغیللی تلفون و تبلت‌لر یوخو واختی‌نین بیر-بیرینه دَیمه‌سینه ده ندن اولور.
هلندلی متخصص، یاتاغا گئتمه‌دن اَن آزی ۲ ساعت قاباق، تلفون و یا تبلت-ه باخماغا سون وئریلمه‌سینی دوشونور.
Hamburger -ه گؤره تلفونلارین ایشیغی، ملاتونین آدلی یوخو هورمونونون یارانماسینی گئجیکدیریب؛ یوخونوزو قاچیردا بیلر.

150514150814_mobile_bed_624x351_thinkstock

آرتیرمالییق بو آراشدیرمانی رد ائدنلر ده وار.
هلندده «سکسوال یئنی‌لیک» آدلی بیر درنک، بو آراشدیرمانی کؤکوندن رد ائدیب؛ اینسانلارین آراسیندا قورخو یاراتسینلار دئیه دَیرلندیریر.

قایناق: bbc & hurriyet

مطالب پیشنهادی :

4 نظر

  1. یاور مشیرفر می‌گه:

    بو تلفون لار لاپ اینسانین باشینا بلا دیلار.

باخیش گؤندر