ماراغا تئاترچی‌لاری اولوس‌لار آراسی فئستیوالینا قاتیلاجاقلار

ماراغا تئاترچی‌لاری  اولوس‌لار آراسی فئستیوالینا قاتیلاجاقلار

ایلک دفعه اولاراق ماراغا تئاترچی‌لاری “کؤلگه‌لرله یئل” نوماییش‌لری ایله بلاروس‌دا کئچیریلن اولوس‌لار آراسی فئستیوالا قاتیلاجاقلار
بیلیم سسی: ایرنا خبرلیگی‌نین وئردیی راپورا دایاناراق ماراغانین ایرشاد ایداره‌سی‌نین باشچی‌سی دئدی: بو شهرین تئاتراویونچولاری “کؤلگه‌لرله یئل” (سایه ها و باد)  آدلی نوماییش‌لری ایله ایلک دفعه اولاراق، اولوس‌لار آراسی کئچیریلن فئستیوالا یول تاپیب‌دیرلار.

آرتیرمالی‌دیر “کوفار بلاروس” آدلی فئستیوالینا قاتیلان باریش قوروپو ایرانین تک تمثیل ائده‌نی ساییلیر.ایلک دفعه اولاراق ماراغا تئاترچی‌لاری “کؤلگه‌لرله یئل” نوماییش‌لری ایله بلاروس‌دا کئچیریلن اولوس‌لار آراسی فئستیوالا قاتیلاجاقلار.

احمد دادرس فیاضی جوما آخشامی ایرنا خبرلیگی ایله دانیشیقدا دئدی: بو نوماییش فریدون ولایی‌نین یازار و یؤنتمن‌لیگی ایله ماراغانین “باریش” آدلی تئاتر قوروپونون آراجیلیغی ایله ماراغادا کئچیریلیب بو ایل اولوس‌لار آراسی کوفاربلاروس آدلی اون‌ایکینجی تئاتر فئستیوالیندا قاتیلاجاقلار.
او آرتیردی: بو فئستیوال نوامبرین 30-دان دئسامبرین 5-ینه قدر (آذرین 9-دان 14)بلاروسون باش کندی مینسک‌ده کئچیریله‌جک‌دیر. ائیله‌جه ماراغانین باریش آدلی تئاتر قوروپو “کؤلگه‌لرله یئل” آدلی تاماشالارینی (نمایش‌لرینی) صحنه‌یه چیخارداجاقلار.
ماراغانین ایرشاد ایداه‌سی‌نین باشچیسی دئدی: ایندی بو قوروپون اولوس‌لار آراسی کئچیریلن فئستیوالدا قاتیلماقلاری‌نین برنامه‌لری تؤکولمکده دیر.

teatr

دادرس فیاضی آردیجا دئدی: بئلنچی اولوس‌لار آراسی کئچیریلن کولتوره‌ل فئستیواللاردا قاتیلماق بیر اؤلکه‌نین اعتیبارینی آرتار و بیر داها او اؤلکه‌نین دونیا بویوتوندا تانینماسینا یاردیم ائدر. بو اوزدن کولتور و صنعت (هنر) آلانیندا کسینلیک‌له کولتوره‌ل ایلیشکی‌لرین آرتماسینا ندن اولار.

teatr1

فریدون ولایی، بو نوماییشین یازار و یؤنتمنی ایرنا خبرچی‌سینه دئدی: بو نوماییش ایلک چیخیشیندا اولوس‌لار آراسی کئچیریلن اوتوزبیرینجی فجر فئستیوالیندا فئستیوالین یؤنتمن‌لیک اؤدولونو قازانمیش‌دیر. یئنی ده‌ییشم‌لرله بو دؤنه یئنی قورولوش‌لا ایسته‌دییمیز آماج‌لارا ال تاپدیق.
او دئدی چالیشاجاییق بو نوماییش اؤلکه‌نین ایچینده ده صحنه گؤره.
هادی افتخارزاده، مریم برومندمطلق، سعید برومندمطلق، رضا محمدی، سونیا معبودی، فرید احدی، سعید علمی و مبینا روحی بو تاماشانین اویونچولاری‌دیرلار.

teatr2

میلاد احدزاده بسته‌چی (آهنگساز) و سس تاساریمچی‌سی (طراح)، رامین خاکی ایشیق تاساریمچی‌سی، مریم برومندمطلق پالتار تاساریمچی‌سی، آیدا ولایی یؤنتمن یاردیمچی‌سی و کامران فریدی قوروپون پوستئرین تاساریلایان دیر.

“کؤلگه‌لرله یئل” یا، فارسجاسی “سایه ها و باد” ساعات 22، جوما آخشامی گونو آذر آیی‌نین 12-سی دئسامبرین اوچویله برابر مینسک شهری‌نیBSU  سالونوندا صحنه‌یه چیخاجاق‌دیر.

teatr3

ماراغا ایالتی دوغو آذربایجاندا 250 مین نفر نفوس ایله تبریزین 147 کیلومترلیک گونئی‌یینده یئرله‌شیب‌دیر.

teatr4

مطالب پیشنهادی :

باخیش گؤندر