سینه سرطانی‌نین قاباغینی آلان یئمک‌لر

سینه سرطانی‌نین قاباغینی آلان یئمک‌لر

بیلیم سسی – دؤش سرطانی دئمک اولار، هر 30 یاش‌دان یوخاری خانیم‌لارین قارشی-قارشییا قالا بیله‌جه‌یی بیر ریسک‌دیر. گونوموزده کئچمیشله توتوشدورمادا هر کئچن گون داها چوخ سینه سرطانی تشخیصی ایله اوزبه‌اوز اولوروق. بونون سببی بللی مقداردا ژئنئتیک فاکتورلار، قوللاندیغیمیز بزه‌مه ایله ساغلیق محصول‌لار ایچینده اولان شیمیایی ماده‌لر، یئدیییمیز ارزاق‌لارداکی سرطانا یول آچان یئمکلر اولور. یئدیییمیز ایله قوللاندیغیمیز محصول‌لارین ترکیبین‌دکی‌لره دقت ائده‌رک سینه سرطانینین توتولما ریسکینی آزالدا بیله‌ریک. بونا گؤره ده بو قونودا گئنیش آختاریش ائدیب هانسی یئمه‌یی یئییب-یئمه‌یه‌جه‌ییمیزی اؤیرنمک لازم‌دیر. پروف. دوکتور ائرکان توپوزون خانیم‌لارا مصلحت گؤردویو قیدا‌لارلا سیزی تانیش ائتمک ایسته‌ییریک.

bc_Ribbon

لیمون و نارینگی قابیغی
لیمون و نارینگی قابیغیندا شیشی أریده بیلن و چوخالماسی‌نین قارشی‌سینی آلان ماده‌لر واردیر. بونا گؤره ده بو قابیق‌لارین آتیلماماسی، سیرکه‌لی سودا یویولا‌راق یئییلمه‌سی مصلحت گؤرولور.

نار
نار سویو، دنه‌سی و قابیغی‌نین دا سرطانین قارشی‌سینی آلما گوجو واردیر. هر مئیوه‌نی فصلینده یئمه‌یه دقت ائده‌رک ناری دا قابیغی ایله بیرلیکده یئیه بیلرسینیز.

گؤبه‌لک
گؤبه‌له‌یین ساغلاملیغا فایداسی هر کسه معلوم‌دور. آنجاق چالیشین اسمر گؤبلک‌لردن قوللانین.  آغ گؤبه‌لک‌لر سرطان عمله گتیرن ماده‌لرله آغاردیلمیش‌دیر.

قیرمیزی مئیوه‌لر
موروق[تمشک/Moruq]، چیله‌ک، بؤیورتکن‌دن[شاه توت دان] فصلینده بوللوجا قوللانین. هم ده یارپاقلاریندان‌ چای دمله‌ییب ایچمکده فایدا واردیر. شیش‌لری أریتمک تأثیری اولدوقجا چوخ‌دور.

درمان روزمارینی
روزمارین دئمک اولار، بوتون خسته‌لیک‌لر اوچون چوخ فایدا‌لی بیتکی‌دیر. حتی ائوده گولدان‌دا یئتیشدیره بیله‌جه‌یینیز بیر بیتکی‌دیر. شیش‌لری أریتمکده تأثیرلی‌دیر. روزمارینله یاناشی قوزو قولاغی، زنجیر اوتو دا چوخ فایدا‌لی بیتکی‌لردیر.

یئرکؤکو
یئرکؤکوده A ویتامی‌نین چوخ اولماسی دری، بؤیرک و دؤش سرطانی‌ ایله دؤیوشمکده کؤمه‌ییمیزه چاتیر.

قیرمیزی بادیمجان
پومیدورو مؤوسومونده ایستیفاده ائتمک چوخ واجیب‌دیر. هم ده قیرمیزی بادیمجان‌دان سالچا[روب] دوزلدیب ایستیفاده ائده بیلرسینیز.

E ویتامینی
ائ ویتامینی اوچون سلنیوم باخیمین‌دان زنگین آناناس، قاتیق، بروککولی، انگینار[کنگر فرنگی]، قیرمیزی و آغ کلم، پرپتؤیون (پرپرن) چوخ یئیین.

یاشیل چای
یاشیل چای سلول بؤلونمه‌سینی یاواشلا‌دیر. چایی آچیق و قندسیز ایچمه‌یه دقت ائدین. هر گون ایکی فینجان چوبان‌یاستیغی و زنجفیل چایی ایچین.

کلم
دونیادا ان اوجوز و شفا‌لی بیتکی اولان کلمی هفته‌ده ان آز بیر دفعه یئمکده فایدا واردیر. باغیرساق و قاراجییرلردکی زهرین قارشی‌سینی آلیر و شیش‌لرین چوخالماسینا مانع اولور.

/یازینین سونو/

مطالب پیشنهادی :

باخیش گؤندر