پنیری نه ایله یئیه‌ک، نه ایله یئمه‌یک؟

پنیری نه ایله یئیه‌ک، نه ایله یئمه‌یک؟

سنتی طیب اوزمانلاری‌نین نظری‌جه یئیه‌جه‌ییمیز یئییله‌جک‌لرین هاچان یئییلمه‌سی ائیله‌جه نه‌لر ایله یئییلیب نه‌لر ایله یئییلمه‌یه‌جک‌لرین چوْخ اؤنمی وار. بو یئییله‌جک‌لرین سیراسیندان بیری، پئنیردیر. آردینجا گلن یازیدا، بو حاقدا بیر سیرا بیلگی‌لری، سیز ایله پایلاشیریق.

پئنیری بونلارلا بیرگه یئیه‌ک:

* مهرداد میرکریمی، سنتی طیببین اوزمانی دئییر: سنتی طیب‌جه، گرک پئنیر، نعناع و ترخونون یانی سیرا یئییلسین. دئدیک‌لرینه گؤره پئنیری سیندیرمه‌سی(هضم) آغیردی، بو اوزدن گؤیه‌رنتی‌لرله بیرگه یئییلیرسه آز زاماندا سیندیریلر.

* پئنیر جه‌ویزله (گیرده‌کان‌لا) بیرگه یئییلیرسه کؤکه‌لدیجی اوْلار. بو اوزدن کؤکه‌لمک دوشونجه‌سینده اوْلانلار پئنیری جه‌ویز، نعناع و آویشن‌له بیرگه یئسین‌لر.سوزمه‌قاتیق و بادام‌لا بیرگه توکه‌نیلن پئنیر دری‌نین اوزه‌رینه لککه سالار.

* ترخون پئنیرین ضررلرینی آزالدار.

اوزمانلارین دئدیک‌لرینه گؤره یاخشی اوْلار پئنیر گیرده‌کان مغزی یا خورما، کیشمیش، و ائنرژی باغیشلایان یئییله‌جک‌لرله بیرگه، گرکلی اوْلان ائنرژی‌لری جذب ائتمک اوچون یئییل‌سین.
پئنیر بیزلرین ان چوْخ یئدییمیز یئییله‌جک‌دیر. اوْنو یئمه‌ک لیسته‌میزدن سیلمک بیرآز زوْر ایش ساییلیر. بو اوزدن اوْنون یانیندا یئیه‌بیله‌جه‌ییمیزلرله تانیش اوْلماغیمیز اوْنون ضررلی ائتکی‌لرینی آزالتماقدا بیزه یاردیمچی اوْلار.

* دوْکتوْر غلامرضا کردافشاری، تهران بیلیم یوردونون طیب بیلیم‌لر فاکولته‌سی‌نین اوستادی بو قوْنویلا ایلگیلی دئییر: گئنل اوْلاراق سوت و اوْندان اوره‌تیلمیش پاستوْریزه اورون‌لر (محصولات)، پاستوْریزه ائتمه پراسئسی‌نین، سوره‌جینده یوخاری بوْیوتدا یاغ‌(چربی) الدن وئریر. اوْنا چئشیدلی آرتیم‌لار و ساخلایانلار آرتیریلیر. بو اوزدن بیر چوْخ لبنی اورون‌لرین طبع‌لری (مزاج‌لاری) سوْیوقدور. اوْنلارین یئییلمه‌سی سیندیرمه سوْرونلارینا ندن اوْلوب، کؤپمک یا کولیت گتیره‌ر.

ایکی جوره پئنیر وار، یئنی(تازا) و کؤهنه. یئنی پئنیرلرین مزاجی سوْیوق و یاش، کؤهنه‌لرینکی ایسه، ایستی و قورودور. بو ایکی طبعین اوْرتاق یاردیمچی‌لاری(مصلح) وار. ان دوزگون مصلح گیرده‌کان‌دیر.

* بیر ندن کی دئییرلر پئنیری جه‌ویزله بیرگه یئیین بودور؛ پاراتیروئیید غده‌سی بدنده کلسیم و فسفرین دوزنله‌مه‌سی و جذبینده گؤره‌ولی‌دیر. بو غده فسفر و کلسیم‌لاری بیر بیریسی‌نین یانیندا اوْتوردار. بو اوزدن کلسیم‌لو یئییله‌جک‌لری یئدییمیز چاغدا، یانیندا گرکلی‌دیر فسفرلو اوْلان یئییله‌جک‌لر ده یئییل‌سین. فسفر یئییلمه‌دییی چاغدا پاراتیروئیید غده‌سی اسکیک گلمیش فسفرو مغزدن گؤتوره‌ر و کوت بئیینلنمه‌یه یاردیمچی اوْلار. بو ندندن دوْلایی تؤوصیه اوْلونور پنیرین یانیندا کسینلیک‌له گیرده‌کان(جه‌وز) دا یئییل‌سین.

چوْخ اؤنملی بیر وورغولاما: گیرده‌کان (و بادام) تکجه گرک یئدییمیز چاغدا سیندیریلا. چونکی هاوانین اکسیژنی ایله اوزون موددت قالدیقدا، اکسید اوْلوب، اؤز یارارلی ائتکیسی‌نی الدن وئره‌ر.

پئنیری بونلارلا بیرگه یئمه‌یین:

* پئنیری بوْش-بوْشونا یئمه‌یین. تک یئییلن پئنیر چوْخ ضررلی‌دیر. بو اوزدن بوْش پئنیر یئیه‌ن آدام همئشه سوست اوْلار.23132229381371061841621391181382251149650196

* پئنیری بادام‌لا دا بیرگه یئمزلر. چونکی معده‌نی ایشدن سالیب، سیندیرمک سوره‌جینی پوْزار. بیر ده بؤیرک و مثانه داشی آلیزلیغی گتیره‌ر.

*سوزمه‌قاتیق و بادام‌لا بیرگه توکه‌نیلن پئنیر دری‌نین اوزه‌رینه لککه سالار.

* حسن اکبری‌ سنتی طیب اوزمانی‌نین دئدیک‌لرینه گؤره پئنیر پروْتئینلی و سوْیوق مزاج‌لی اوْلدوغو اوچون گرکلی‌دیر، بامادور، خیار و قارپیزلا یانی سیرا، کی اوْنلار دا سوْیوق مزاج حئساب اوْلورلار، توکه‌نیلمه‌یه. توکه‌نیلیرسه دیابت، ام‌اس، عصبی ایختیلال‌لار، سیندیرمک سوْرونلارینا، و باشقا آلیزلیقلارا ندن اوْلار. بو اوزدن بو طرز یئمه‌ک،
عؤمرون آزالماسیندا دا ائتکیلی درجه‌ده قاتقیسی وار.

پئنیرین یئییله‌ن ان اویغون چاغی:

قاین‌آلتی چاغی یئییله‌ن پئنیر آدامی سوستالدار، اؤیرنمک و تمرکز گوجونو ده آزالدار.
پئنیرین یئیلمه‌سی اوچون اؤنه‌ریلن ان اویغون زامان، شام اؤونه‌سی،‌ اؤزو ده مکمل‌لری و سیندیرمه‌سینه یاردیمچی اوْلان‌لارلا بیرگه(گیرده‌کان، زیره، قره‌دنه، آویشن)، دیر. چونکی پاراتیروئیید غده‌سی گئجه چاغی داها چوخ آکتیو اوْلار.

تورکجه‌لشدیرن: حامید مورسلی

یازان: مریم مرادیان نیری – تبیان

مطالب پیشنهادی :

باخیش گؤندر