دایی جان پاپیل، تورکجه تئاتری یاخیندا اورمیه‌ده

دایی جان پاپیل، تورکجه تئاتری یاخیندا اورمیه‌ده

بیلیم سسی – حسین واحدی؛ «راد» تئاتر قروپو طرفیندن، حاضیرلانان، «دایی جان پاپیل»، نمایشی، «علی صابر رضایی» جنابلارینین یؤنتمنلییی ایله چیلله (دی) آیینین 27-دن، دونداران (بهمن) آیینین 6-دک، هر گون ساعات 6-دا، اورمیه‌نین «فرهنگی هنری» مجتمع‌سینده اجرا اولاجاقدیر.
اومید ائدیلیر، بو طنز تئاتردان دوزگون استقبال اولونسون. بوندان اؤنجه ده، بیر نئچه تورکجه و فارسجا تئاتری، رضایی، جنابلارینین یازدیغی پییئس‌لردن و آیری یؤنتمن و یازیچیلاردان اورمیه ده اجرا اولوبدور. اینشاللاه گلن گونلرده چالیشاجاییق بو قروپون تمرین‌لریندن ده گؤرونتولر حاضیرلایاق.

download

علی‌ صابر رضایی؛ تانینمیش اورمیه‌لی یؤنتمن، یازیچی و دراماتورق
آذربایجانین فخر ائدیجی شهری اولان اورمیه‌ده، 1333-جو ایلده دونیایا گلن، «علی صابر رضایی»، بو شهرده بویا-باشا چاتیب، حقوق قولوندا، تهران بیلیم‌یوردوندا درسینی بیتیریب. درسین یانیندا، اینجه‌صنعت دونیاسیندا دا فعالیت گؤسته‌ریب، بیر چوخ پییئس (نمایشنامه) یازاراق، اثرلرینین بیر چوخونو دا اؤز یؤنتمنلیک ائدیبدیر.
رضایی‌دن، بو گونه کیمی 15 جیلیددن چوخ، پییئس، کیتاب اولاراق، فارسجا و تورکجه دیللرینده ایشیق اوزو گؤروبدور. اونلاردان: «کابوسهای آقای پاک سرشت»، «در محاکمه‌ی یک مجرم»، «تولد یک حباب»، «موش کور»، «اسکندر مقدونی در ایران»، «ماجرای درخت نارون»، «جام آخر»، «رویای پشت بام»، «فرار از سایه‌ها»، «اندر حکایت آدمها و موشها»، «بازیهای توقف ممنوع و رویای دیگر» فارسجا اولاراق و «اصلی ایله کرم»، «ملک محمد و آدی یوخ اوغلان»، «گول آغا»، «اوتوبوس ایستگاهی» و «سونا خاتین و کیم گؤردو کیم گؤرمه‌دی» و… پییئس‌لرینی تورکجه اولاراق آد چکمک اولار.

مطالب پیشنهادی :

باخیش گؤندر