دَریمیزه ایشیق توخوندوقدا ندن قاشینیریق؟

دَریمیزه ایشیق توخوندوقدا ندن قاشینیریق؟

بیر بؤجوک دَرینیزه قوندوغوندا، سیزی دؤزولمز بیر دورومدا قاشیندیریر. بو مکانیکی قاشینتی اولاراق تانینیر. شیمیایی قاشینتی‌لار اوزه‌رینده ایسه چوخ آز آراشدیرمالار اولوب.

بعضی‌لریمیز داواملی اولاراق قاشینتی چتین‌لییی یاشاییریق، نه قدر قاشینساق دا قورتاراجاغیمیز اولمور. نورمال دورومدا آنتی‌هیستامین درمانلاری ایله قاشینمانین قاباغینی آلماق اولار آنجاق داواملی و آغیر قاشینتی‌لار اوچون بو اؤنه‌ریلمیر. بو دوروم، بیلیم اینسانلارینی، داواملی و شیددتلی قاشینتیلاری آرادان آپارماق اوچون، چئشیدلی یول-یولاقلار آختارماق فیکرینه سالدی.
بیلیم ژورنالیندا نشر اولونان آراشدیرمادا، بیر گروه ایلک اولاراق مکانیکی قاشینتی‌نین نَدن‌لرینی آراشدیردی و ائن پی وای (NPY) آدلی بیر پروتئین کشف ائتدیلر. بو پروتئینین، قاشینتیلاردا ائتگی‌لی اولدوغونو  تاپمیش اولسالار دا بئله، هله آراشدیرمالار تام یئتَرلی دئییل‌دیر.

Man standing with pain in his back

(NPY)-ین قورویوجو اولدوغونو دوشونَن آراشدیریجی گروهو، سیچانلاردان بو پروتئینی اوزاقلاشدیردیقلاریندا، اونلارین ایشیق قاباغیندا دؤزولمز بیر شکیلده قاشیندیقلارینی گؤردولر! بورادان یولا چیخان علم اینسانلاری، مکانیکی و شیمیایی قاشینتیلارین فرق‌لی ندنلری‌نین اولدوغونا چاتدیلار.

آراشدیرمانین داوامیندا ایسه، ژنتیکی دَییشیکلیکلرله بؤیوموش سیچانلاردا ایسه(ائن پی وای پروتئینی‌نین چوخ اولدوغوندان دولایی) ایشیقدان یارانان قاشینتی‌لار داها آز گؤروندو.
بئله‌لیکله ایشیقدان تؤره‌نن قاشینتی‌لارین ندنی، بدن‌ده NPY آدلی پروتئینین آزلیغی‌دیر.

قایناق: popsci

مطالب پیشنهادی :

4 نظر

  1. ییلماز می‌گه:

    من اؤز تشکور لاریمی سیز غیرتلی گنجلره بیلدیریرم.ایشالاه اوغورلو اولاسینیز

باخیش گؤندر