صباحي حئكايه یاریشماسی‌نین سونوج‌لاري یایینلاندی

صباحي حئكايه یاریشماسی‌نین سونوج‌لاري یایینلاندی

صباحي حئكايه مسابقه‌سي نين سونوج‌لاري (اوچونجو ايل-1394) یایینلاندی. صباحي حئكايه مسابقه‌سي‌نين اوچونجو ايلي ده سونا چاتيب، اؤدولو قازانان لارين آدي بئللي اولوندو. بو ايل مسابقه‌يه 37 يازار حئكايه لري ايله قاتيلديلار.

ايكي حؤرمتلي داوريميز (علي اصغر اوجاقلو و محمد صبحدل جينابلاري) اثرلري دَيَرلنديريب و نظرلري اساسيندا اوچ اثري، اؤدولو قازانماغا لاييق گؤردولر:
“كيانوش توحيدي” يازديغي “مزه” آدلي حئكايه‌سي اوچون، “رمضان كريمزاده” يازديغي “يابانجي” آدلي حئكايه‌سي اوچون و “ليلي نعماني” يازديغي “بير سيخيم تورپاق” حئكايه‌سي اوچون اوچونجو صباحي اؤيكو اؤدولونو قازانديلار. همين اساسدا ايكي حئكايه ده تقديره لاييق گؤروندولر: “ويرگول” حئكايه سي (سميه عليدوست) و “شاميرتيني‌نين تورپاغا تاپشيريلماسي” (عبداله فرجي)

photo_2016-03-12_12-24-30

بو عزيز يازارلاريميزا تبريك دئييب اونلارا گله‌جك چاليشمالاريندا دا اوغورلار آرزيلاييريق. بوتون مسابقه‌يه قاتيلان يازارلاردان تشككوروموز بيلديريب گلن ايل‌لرده ده بيزيم يانيميزدا اولمالاريني ايسته‌ييريك. داورلريميزه جان ساغليغي ديله‌ييب يارديم‌لارينا گؤره مينتدارليغيميزي بيلديريريك. هامينيزا اوغورلار!

صباحي حئكايه مسابقه‌سي‌نين اجرائي هئيتي- اسفند 1394

مطالب پیشنهادی :

باخیش گؤندر