اینانیلماز بیلگی‌لر

اینانیلماز بیلگی‌لر

بیر چوخ اینانیلماز بیلگی‌لر

  • هر بیر میلیارد اینساندان یالنیز بیری ۱۱۶ یاشینادک یاشایا بیلمکده‌دیر.
  • اَن چوخ یاشایان بالیق، ۴۱ یاشیندا اؤلموشدور.
  • اؤسکوردوکده، آغیزدان چیخان هاوانین یئیینلییی{سرعتی} ۱۰۰ کیلومئتره یاخیندیر.
  • دووشانلار، باشلارینی چئویرمه‌دن آرخالارینی گؤره بیلیرلر.
  • آرخا اوسته یاتا بیلن تکجه جانلی اینساندیر.
  • اینسانلار، یاشاملاری بویونجا اورتالاما ۲۰ کیلوگرم اؤلو دری تؤکورلر.
  • قورباغالار معده‌لرینی آغیزلاریندان چؤله چیخاردیب، قاباقداکی آیاقلاری ایله تمیزله‌دیکدن سونرا یئنیدن اودارلار.
  • دونیا اوزه‌رینده‌کی تورپاقلارین تکجه یوزده بیری قادینلار آدینا یازیلیبدیر{سند ویریلیب}.
  • فیل‌لر گونده اورتالاما ۲ ساعات یاتارلار.
  • سیچانلار اینانیلماز بیر یئیینلیکله{سرعتله} تؤره‌یَر{تولید مثل ائلر}. بیر جوت سیچان ۱.۵ ایل ایچینده ۱ میلیون سیچان تؤره‌ده بیلر.
  • بیر یوخو اورتالاما ۲ – ۳ ثانییه چکر.
  • اینسان بئینی ثانییه‌ده ۱۱ میلیون چئشیدلی بیلگیلر آلا بیلیر آنجاق یالنیز ۴۰ بیلگینی آییرد ائده بیلیر.
  • ساعاتدا ۹۶ کیلومتر سرعتله گئتسه‌نیز آی کوره‌سینه چاتماغینیز ۶ آی سورر.
  • بؤیوک سوایتی ۵۰ یاشینادک یاشایا بیلیر.
  • یئرکوره‌سی اؤز باشینا ساعاتدا ۱۶۰۰ کیلومتر سرعتله، گونشین باشینا ایسه ساعاتدا ۱۰۷۸۲۶ کیلومتر سرعتله فیرلانیر.
  • بوتون دونیادا اوره‌تیلن ائلئکتیریکین یوزده 33-و، نفت-ین ایسه یوزده 30-و آمریکادا ایشله‌نیلیر.
  • بیر چوخ بالیقلار یاشاملاری بویونجا جینسییت دَییشدیریر. اؤرنک اوچون ائرکک دوغولموش بالیق، یئتگینلشدیکجه دیشی-یه دؤنوب؛ یومورتالایا بیلیرلر.
  • اینسان بئینی‌نین یوزده ۸۰ -ی سودور.
  • ایره‌لییه دوغرو بیر آددیم آتماق اوچون ۵۴ چئشیدلی اَزو‌له‌نین ایشله‌مه‌سی گرکلی‌دیر.
  • بیتگی‌لرین یادداشلاری اولماسا دا یاخین قوهوملارینی تانییا بیلیرلر. بئله‌لیکله بیر-بیرلرینه یاخین دایاناراق داها گوجلو بؤیویورلر.
  • اوقیانوسون اَن درین یئری اولان ماریانا چوخورو، یئرین ۱۱ کیلومئتر دَرینلییینده‌دیر.
  • قوجاقلاشما اؤپوشمکدن داها چوخ باکتئرییا کئچیرر{انتقال وئرر}.
  • ۱۹۰۰-جی ایلده اینسانلارین عؤمرو اورتالاما 47 یاش ایدی.

 

 

 

مطالب پیشنهادی :

باخیش گؤندر