ان یوکسک و ان دوشوک اینترنت سورعتی!


ان یوکسک و ان دوشوک اینترنت سورعتی!

اینترنت سورعتی دونیا چاپیندا گون به گون آرتیر، اینترنت یالنیز بیر سانال دونیا دئییل، اینترنت،بیزیم گرچک یاشاییشیمیزا بیر اؤنملی گرک‌دیر، اینترنت، اؤزو بیر سانال دونیا اولورسادا، بیزیم یاشایشیمیزدا اؤنملی اوینامی(نقش) وار،چاغداش(معاصر)دونیادا ،اینترنت‌سیز،چوخولو ایش‌لر ایره‌لی گئتمه‌ز،بو اوزدن اینترنت‌ین یوخاری سورعتی داها چوخ اؤنملی‌دیر.البته بیر سیرا اینسان‌لار اینترنتین یوخاری سورعتی‌نی گرک بیلمیرلر،اماگلیشمیش دونیادا سورعت ودیققت هر نه‌دن اؤنجه‌دیر.سینیق سالخاق ویا آز سورعتلی اینترنتین اولماماسی،اولماغیندان داها یاخشی‌دیر.بیلیم سسی بو گون،دونیا چاپیندا اورتالاما اینترنته ال چاتما سورعت‌لری‌نی توتوشدوروب،بو توتوشدورمانی(مقایسه) گؤرمک ایسته‌ییرسیزسه، بیزدن آیریلمایین.

گونئی کوره:گونئی کوره چوخ شئی‌ده بیرینجی‌دی!دونیانین ان چوخ ساتیلان موبایلی سامسونگ‌ اولاراق،آمریکانین اپل شیرکتیندن قاباق‌دی،بو اوزدن کوره‌نین اینترنت سورعتی‌ده، آمریکادان یوخاری اولمالی‌‌دیر.کوره‌لی‌لر ثانیه‌ده۱۴مگابایت سورعت‌له دونیانین ان یوکسک اینترنت سورعتی‌نه باغلانیللار.x0x600-narenji-20130926_7.jpg.pagespeed.ic.IetmkWNzb8
ژاپون:اوزاق دوغودا یئرله‌شن آدا(جزیره)،اینترنته ال چاتما سورعتین باخیمندان ایکنجی یئری اؤزونه قازانیب.ژاپوندا اینترنت سورعتی کئچن ایله گؤره۱۹یوزده(درصد)ایره‌لی‌شی اؤزونه گؤروب،یعنی اینترنت سورعتی،کئچن ایل۱۰٫۸دن، ثانیه‌ده ۱۱٫۶ مگابایتا یوکسه‌لیب.x0x600-1-narenji-20130926_3.jpg.pagespeed.ic.2pmThM_GEf
سوییس آوروپانین بانک‌لار اوره‌یی،سوییس‌ین اورتالاما اینترنت سورعتی،ثانیه‌ده ۱۰٫۰۶مگابایتا یئتیشیب.دئمه‌لی‌دیر کئچن ایل‌ه گؤره بیر یوخاری آرتیم(افزایش) ایله اوز اوزه گلیب.x0x600-narenji-20130926_3.jpg.pagespeed.ic.ju57khnqOo

بو سیرالامادا(طبقه بندی)،یوخاری‌دا دئدیگیمز اؤلکه‌لردن سونرا،لتونی هولند چک،هنک گنک وآمریکا یئرله‌شیب‌لر.
یوکسک سورعت‌دن سونرا، آشاغی و دوشوک(ژایین) سورعت‌لره ده بیر گؤز آتمالی‌ییق.اینترنت سورعت باخیمندان، ان دوشوک اینترنت ال چاتما سورعتی‌نه صاحیب اولان اؤلکه‌لر هانکی‌سی دیرلار!
ان دوشوک اینترنت سورعتی‌نه صاحیب اولانلار، دوزن‌له(به ترتیب)، بو قرارادی‌لار:x0x600-1-narenji-20130926_4.jpg.pagespeed.ic.JILThPTINP

کوبا،لیبی،ایران و لائوس
آمریکا قاره‌سینده یئرله شن کوبا،اورتالاما ثانیه‌ده.۲۱مگابایت اینترنت سورعتی‌له دونیانین ان دوشوک اینترنته ال چاتما سورعتی‌نه صاحیب‌دیر.
اورتادوغودا(خاورمیانه)،افغانیستان،اورتالاما(میانگین) ثانیه‌ده.۲مگابایت سورعت‌له ایران‌دان،داها یوکسک اورتالاما اینترنت ال چاتما سورعتی‌نه صاحیب‌دیر، بلی، ایران‌نین اینترنت سورعتی، افغانیستان و یمن‌دن ده آز دیر،ایراندا اورتالاما اینترنته ال چاتما سورعتی،ثانیه‌ده.۶۳مگابایت‌دیر.

قایناق:forbes

مطالب پیشنهادی :

ارسال نظر