بویلولوق واختی دورومونوزو یونگوللش‌دیره‌جک 5 مصلحت

بویلولوق واختی دورومونوزو یونگوللش‌دیره‌جک 5 مصلحت

بیلیم سسی – آدلیم‌لارین تانینمیش یؤنتمنی [مربی‌سی] “خارلی پاستئرناک”ین تاپشیریق‌لارینا باخماقلا، سیز دوغوش‌دان سونرا یارانان بئل آغریلار لا، آرتیق کیلودان اینجیمه‌یه‌جکسینیز.
حرکت ائدین
بویلو [حامله] قادین‌لارین چوخو بو دؤورده داها آز حرکت ائتمه‌یه چالیشا‌راق اؤز چالیشمالارینی آزالدیرلار.بونا گؤره، تجروبه گؤستریر ، چالیشقان [آکتیو/فعال] یاشام سورن قادین‌لار دوغوش زامانی داها آز اذیت چکیرلر. بونونون اوچون ده بویلولوق چاغی گزمه‌یه داوام ائدین، داها یاخشی‌سی ایسه چوخ واخت پیادا گزین. اساس بودور، گزینتی‌ده آیاق‌لارینیز دینج اولسون، بونون اوچون دینج [راحات] باشماق‌لار قوللانین.
یئمکلرینیزه دقت ائدین
بویلولوق چاغی سیز آلیشدیغینیزدان300 کالوری داها چوخ ائنئرژی صرف ائتمه‌لی اولاجاقسینیز. اؤز گونده‌لیک پورسونوزو 5 یئره بؤلوب چالیشین بیر دفعه‌یه چوخ یئمه‌یه‌سینیز. بو سیزه اورک بولانماسی ایله معده‌نین سانجی‌سیندان قاچماغا کؤمک ائده‌جک.
یئمه‌گین نئجه‌لیگینیه دقت ائدین
بویلولوق چاغی چالیشین شیرنیات‌لارلا تورشولاردان اوزاق دورون. قبول ائتدیگینیز یئمه‌یین کئیفیتینه دقت ائدین. میثال اوچون، تویوق اتینی بالیق و یا تره‌لرنن اویغون‌لاش‌دیرین. یئمک رئژیمی‌نیزده تاخیل [غلات] محصول‌لارینی و زئیتون یاغی و بادامدا اولان فایدا‌لی یاغ‌لاری دا اونوتمایین.
ایدمان ائدین
بویلولوق چاغی، بویلو خانیم‌لار اوچون گؤزه توتولموش اؤزل ژیمناستیک ایله مشغول اولون، بو سیزه کورکده اولان آغری‌لاردان و یورغونلوق‌دان قاچماغا کؤمک ائده‌جک. بویلولوغون 4-جو آیین‌دان سونرا ایسه کورکده اوزانا‌راق یئرینه یئتیریلمه‌سی لازیم اولان حرکت‌لردن اوزاق دورون. هر زامان هاوا دییشیلن اوتاقدا مشغول اولون. دالبادال اولا‌راق مایع(سو) قبول ائتمه‌یی ده اونوتمایین.
یوخونوزا دقت ائدین
بویلولوق چاغی ان بؤیوک چتینلیک‌لردن بیری ده یوخوسوزلوق‌دور. بو سورون [مسئله] یالنیز قادین‌لارا دئییل، هم ده اونلارین یاشام یولداش‌لاری دا اذیت چکیرلر. بو زامان ان یاخشی مصلحت یاتاغا 1 ساعت تئز اوزانماق‌دیر. آرتیق یوخو هم سیزه هم ده، اورقانیزمینیزه [بوخونونوزا] خئییرلی اولا‌جاق.

قایناق: missis.az

مطالب پیشنهادی :

باخیش گؤندر