بویلولوق دؤنه‌مینده ،اورک‌ بولانمانی نئجه آزالداق

بویلولوق دؤنه‌مینده ،اورک‌ بولانمانی نئجه آزالداق

ایران فیلیم‌لرینده،اورک بوللانتی‌سی (حالت تهوع)،بویلولوق سیمگه‌سی‌ (نماد) دیر.بویلولوق دؤنه‌مینین ایلک اوچ آی‌ینین علامت‌لریندن بیریسی، اورک بولانتی و قوسماق‌ دیر.بویلو قادین‌لارین، هورمونال دگیشیک‌لیک‌لرین(تغییرات) ائتکی‌سینده، اورک‌لری بولانار .اورک بولانما گئنل‌لیک‌له (به طور عمومی) ،حامیله‌لیگین ایلک اوچ آیی کئچه‌رک، آزالار اما بویلولوق دؤنه‌سینده،اورک بولانتی‌سی‌نی نئجه(چگونه) آزالداق،هئچ بوقونودا بیلگی‌نیز (اطلاعات) وار می؟بیلگی‌سیز اولورساز، بیلیم سسی‌نین یازیلارین اوخوماسی‌نی سیزه اؤنریریک. آشاغی یوللارا قوللاناراق(استفاده)؛ بویلولوق دؤنه‌سی‌نین، اورک بولانتی‌سی‌‌نی آزالدین.

آز یئیین ،همیشه یئیین
یئمک وعده‌لرینین سایی‌سی‌نی‌(تعداد)چوخالداراق، حجمی‌نی آزالدین. بئله‌لیک‌له، اورک بولانتی‌نین اوز وئرمه‌سی‌نی آزالدا بیلرسینیز.
گونوزو ایچکی‌لر(نوشیدنی) له باشلامایین!
گونون باشلانیشیندا،آج قارینا ایچکی وسولو یئیه‌جک‌لری(خوراکی) توکتمه‌یین(مصرف نکنید)، سحر چاغیندا،سوتلو اورون‌لرین(محصولات شیری)) ایچیلمه‌سی، اورک بوللانتی‌سی‌نین ندنی(علت) اولابیلر.
چای آز ایچین
چای‌ین توکتیمی(مصرف)، بولانتی و رفلاکسین اوز وئرمه‌سی‌نه ندن اولور؛رنگسیز چای ایچین ویا هئچ ایچمه‌یین. بیتکیسل(گیاهی) چایلارین ایچمه‌یینده ایسه(نیز) دیققتلی اولون؛ککلیک اوتو(کاکوتی) چایی، بویلو قادین‌لارا یاخشی دئییل
زنجفیل
زنجفیل، اورک بوللانتی‌سی‌نی آزالدار، بواوزدن بویلو قادین‌لار زنجفیله قوللانمالی‌دیرلار.
B6ویتامینی اونوتمایین!
B6ویتامینی، ضررسیزدیر،بو ویتامین اورک بولانتی‌سی‌نی آزالدار، البته B6ویتامینی‌نه قوللانمادان اؤنجه(قبل) دوکتورونوزلا دانیشین.
هر زامان دوکتورا گئتمه‌لی‌سینیز!!
قونشو وفامیل‌لردن داها چوخ بیلن، دوکتوردو بواوزدن درمان اوچون هر زامان دوکتورا گئتمه‌لی‌سینیز.

مطالب پیشنهادی :

باخیش گؤندر