بورون اه‌یری‌لییی

بورون اه‌یری‌لییی

بیلیم سس؛ دئمک اولار، هامیمیز اوشاق‌کن بورنوموزو ییخیلا‌راق، بیر یئره چارپاراق، یا دا هر هانسیسا بیر قضا سونوجوندا قاناتمیشیق. اصلینده اؤنم وئرمدیییمیز بو ضربه‌لر ایله ضربه سونوجوندا باش وئرن قاناما‌لار بیزیم فیکیرلشدیییمیز قدر اؤنم‌سیز دئییل. ایره‌لیله‌ین یاش‌لاردا اورتایا چیخان بورون ایری‌لییی (دئویاسیا) اوچون بیر باشلانغیج‌دیر.
بورونوموز زده‌لندیکجه بورون سومویو ایله قیغیرداقدا اورتایا چیخان گیزلی قیریلما‌لار، 18 یاشین‌دان سونرا اوزوموزون تام مرکزینده نفس آلمانی چتینلشدیرن و ائستئتیک گؤرونوشو پوزان، بعضاً کناردان دا گؤرولن، گلیشیمینی اه‌یری تاماملامیش بیر بورون شکلینه نه‌دن اولور.
بورون ان چوخ اوشاقلیقدا ضربه آلیر
بورون اه‌یری‌لییی‌نین گئنئتیک اویغونلوق و بورون اتی (کونکا) ایله بیرلیکده ان چوخ راست گلینن نه‌ده‌نی اوشاق یا دا یئتکین‌لیک دؤورونده ضربه آلماسی‌دیر. خصوصیله 2 یاشین‌دان 5 یاشینا قدر اولان دؤورده اوشاق‌لار ایداره‌سیز بیر شکیلده حرکت ائدیب، اطرافینا چوخ دقت ائتمیرلر، بونا گؤره‌ده بو دؤورده دیمه ایله ییخیلما چوخ اولور. ایلک‌اؤیرتیم [ایبتیدایی] صینیف واخت‌لاری ایله اویون‌لار بورونا یؤنه‌لیک [ایسته‌نیلن] ضربه‌لره زمین حاضیرلاییر. اوشاق بیر آز داها بؤیویوب12-13 یاشینا گلیر. یئتکین‌لیک دؤورونه چاتان اوشاق‌لارین رقابته دؤنوک ایدمان ائتمه‌لری اسناسیندا بورون یئنه ضربه‌لرین هدفی اولور.

burun eyriliyi 2

اه‌یری‌لییه یول آچان قیریق‌لار رئنتگئنله [x-ray اشعه‌سی ایله] گؤرولمور
یاخشی بس آتا-آنا‌لار، اوشاق‌لارین بورون قاناما‌لاری‌نین سونوجوندا گله‌جکده اولا بیله‌جک چتینلیک‌لرین فرقینددیرلرمی؟ یوخ، یالنیز “بورنو قانادی و کئچدی” آنلاییشی واردیر. آنجاق بو ضربه‌لر بورون قیغیرداغیندا گیزلی قیریلما‌لارا گتیریب چیخاریر. بو قیریلما‌لار، رئنتگئن زامانی گؤرونمور. یالنیز بورون سومویونده اولان قیریلما‌لار رئنتگئنده گؤرولور و قیریق سومویون دوزگون گه‌لیشمه‌سی اوچون موداخیله ائدیلیر. رئنتگئنده گؤرولمه‌ین قیغیرداق قیریق‌لاری ایسه اه‌یری گه‌لیشمه ائدیب بو ایری‌لیک 18 یاشینا قدر داوام ائدیر. دیگر بیر سؤزله دئسک، سوموک ایری گه‌لیشمه ائدن قیغیرداغی تعقیب ائدر، بورنون روتاسی [مسیری] یعنی بؤیومه یؤنو دییشر. ایریلیگین تمل قایناغی بورونون اوجون‌داکی شکیل دییشیمیدیر.
نتیجه: بورنون گئری قالان گؤرونوشونو تامامیله دییش‌دیرن بورون اوجوندا ایری‌لیک و بورون چپرینده کمر مئیدانا گلمه‌سی 18 یاشین‌دان اعتباراً قالیجی اولور.

buru eyriliyi

مینیمال اه‌یریلییین یول آچدیغی راحاتسیز‌لیق‌لار:
بورون ایچین‌دکی هاوا کانال‌لارین‌داکی مینیمال دارلیق‌لار نفس آلماغی چتینلشدیردیی اوچون، بورنوندا اه‌یری‌لیک اولان آدامین یاشی ایره‌لی‌له‌دیکجه یئته‌رینجه نفس آلمادا چتین‌لیک چکمه‌یه باشلاییر. بدنه یئته‌رینجه اوکسیژئن قبول ائدیلمه‌دییی زاماندا یورغونلوق، باش آغری‌لاری، یوخو پوزغون‌لوغو، دئپرئس‌لیک، سینیرلی‌لیک حالی اورتایا چیخیر. یاشانان بوتون بو منفی‌لیک‌لرله یاناشی اه‌یری بورونون گؤزللیک اولا‌راق اوزه اویغون‌سوز اولماسی ایله چیرکین بیر اوز ایفاده‌سینه یول آچماسی، آدامین اؤزونو داها دا موتسوز حس ائتمه‌سینه و گوون سورونو یاشاماسینا نه‌دن اولور.
معا‌لیجه‌سی
بوتون بو چتینلیک‌لردن قورتولماق اوچون، بورون اه‌یری‌لییی ایله بورون گؤزللیک عمل‌لری تک بیر جراحی عمل‌ینده، “بورون گؤزللییی “عمل‌ینده بیرلشدیریلیر. بورون عملی ایله قیغیرداق لا سوموکده مئیدانا گلن اه‌یری‌لیک دوزلدیله‌رک هاوا کانال‌لاری آچیلیر، بورنونون ائشیک گؤرونوشو ده دوزلدیلیر. سونوج اولا‌راق، جییرلره یئترلی میقداردا هاوا آلا بیلن دوزلدیلن بورون کاناللاریندان‌ گئدرکن، گؤزللیک له دوغال گؤرونوشه صاحب بیر بورون شکیلی ده اوز ایفاده‌سینه، اولوملو [مثبت] بیر گؤرونتو وئریر.

حاضیرلایان: حسین واحدی 

***

* لطفاً بیلیم سسی‌نین یازی‌لاری ایله شکیللرینی قوللانساز، قایناغی اونوتمایین.

مطالب پیشنهادی :

باخیش گؤندر