اوشاق‌لاردا کؤکلوک مسئله‌سی

اوشاق‌لاردا کؤکلوک مسئله‌سی

بیلیم سسی– آنا بتنین‌دکی اوشاغین گله‌جک‌دکی ساغلام‌لیغی آنانین قیدالانما طرزین‌دن آسیلی‌دیر. حامیله‌لیک دؤورونده آنا یوکسک درجه‌ده شیرنیات قبول ائدرسه، بئله اوشاق‌لاردا کؤکلوک مسئله‌سینه داها چوخ راست گلینیر.

ایلک 6 آی یالنیز آنا سودو ایله بسلنن اوشاق‌لاردا کؤکلوک داها آز گؤرونور. بو زامان گؤرولن بوتون تدبیرلر اوشاغین قیدالانما طرزی‌نین تملینی قویور. یاشلی نسیل اوشاق‌لارین نه قدر کؤک اولسا، بیر او قدر ساغلام اولدوغونو دوشونور، آنجاق بو یانلیش فیکیردیر. عادت اوزره، آتا-آنالاری کؤک اولان اوشاق‌لارین کؤک اولما احتیمالی داها یوکسک‌دیر.

اوشاق‌لارین یانلیش قیدالانماسی اونلارین حرکت‌سیز قالماسینا سبب اولور و بو اونلارین کالوری ایتیرمه‌سی‌نین قارشی‌سینی آلیر. اوشاق‌لاردا پیلنمه اورک خسته‌لیگی ایله یاناشی بیر چوخ خسته‌لیک‌لره ده سبب اولور. بون‌لارین قارشی‌سینی آلماق اوچون دیئتا متخصص‌لرینه مراجعت ائتمیینیز و یا آشاغیدا گؤستریلن‌لره عمل ائتمیینیز مصلحت گؤرولور.

kokluk

اوشاغینیزین آرتیق چکی‌دن قورتولماسی اوچون 3 اساس عامل:

1. دوزگون قیدالانماق

2. ایدمانلا مشغول اولماق

3. نورمال یوخو رئژیمی

اؤولادینیزین دوزگون قیدالانماسی اوچون کالوری‌سی چوخ اولان یئمک‌لری – فاست-فوود، قیزاردیلمیش یئمک‌لر، شیرنیات‌لار و شیرین ایچکی‌لری آزالتمالیسینیز، لاکین تام قاداغا قویولماما‌لی‌دیر. حتی اؤزونوز ده اونون یئدیک‌لرین‌دن یئسه‌نیز، بو اونون یئمه‌یه اولان ماراغینی آرتیرار.

اوشاغینیزین ایدمانلا مشغول اولماسی اوچون سیز اونو هوس‌لندیرملی‌سینیز. ایدمانا آییردیغینیز واختی اه‌یلنجه‌لی کئچیرسه‌نیز اوشاغینیزین ایدمانلا مشغول اولماق ایستیی بیر او قدر آرتار.

نورمال یوخو رئژیمی – هر گون عینی واختدا یاتیب، عینی واختدا اویانما‌لی‌دیر. آخشام تئز یاتیب، سحر ائرکن قالخما‌لی‌دیر. 22:00 – 23:00 آراسی یاتماق، 06:00 – 07:30 آراسی اویانماق مصلحت گؤرولن یوخو واختی‌دیر.

اوشاغینیزی نورمال چکیده اولان اوشاق‌لارلا موقاییسه ائتمیین، بو اونون پیسکولوژی‌سینه منفی تأثیر گؤستره بیلر. پیسکولوژی سارسینتی کئچیرمه‌مه‌سی اوچون هئچ واخت کؤک‌لویونو اوزونه وورمایین.

***

بیلیم سسی اوچون حاضیرلادی: حسین واحدی

مطالب پیشنهادی :

باخیش گؤندر