ایدز نه‌دیر؟ نئجه بیر خسته‌لیک دیر

ایدز نه‌دیر؟ نئجه بیر خسته‌لیک دیر

ایدز، بولاشی‌جی (قابل انتقال) بير خسته‌ليکدير. ميکروبو HIV آدي وئريلن ويروسدور. HIV، گيرديگي بدنين، ميکروبلارا قارشي قويما قابيليتيني تامين ائدن ایمنی سيستئمينه تاثير قویوب ، گئده‌رک چؤکدورور. بونون نتيجه‌سينده موقاويمتي آزالان بدنده، HIV -نين تاثيري يانيندا، موختليف ميکروبلار (باکتئرييا، گؤبه‌لک (قارچ)، ويروس، پروتوزون) دري، تنففوس، سیندیریم (هضم)، مرکز سينير (عصبی) سيستئمي کيمي موختليف توخونما و اورقانلارا يئرلشيب خسته‌ليکلر يارادير. آيريجا بدنده بعضي خرچنگلر (سرطان) گلیشه‌بيلر. ایدزین کسینله‌شمیش موعاليجه‌سي هله تاپيلماميشدير. AZT, DDI, DDC کيمي درمانلارين فايدالي اولدوغو بيلديريلير.

ایدز خسته‌ليگي بَلیرتی‌لری (علامتلری):
HIV-یه بولاشديقدان سونرا، آدامين یاشام طرزینه و بدن دیره‌نیمینه (موقاويمتينه) گؤره ایدز خسته‌ليگي‌نین علامتلري 5-10 ايل، بلکه ده داها سونرا اورتايا چيخار. HIV اينفئکته آدام (فرد آلوده) ، بو موددتده ساغلام گؤرونوشده‌دیر. لازيمي تدبيرلر آلمازسا خسته‌ليگي باشقالارينا بولاشديرا بیلر. HIV، بولاشديغي بدنده موختليف سئللول‌لار، خوصوصيلهCD4T سئللوللارینا يئرلشه‌رک چوخالار. ضرر گؤرن CD4T سئللوللاری گئتديکجه آزاليرلار و بونون سونوجو (نتیجه‌سی) اولاراق بدنين ایمنی سيستئمي محو اولماغا اوغرايار. بدن موقاويمتي ضعیيفله‌ين خسته‌ده، نورمالدا ضررسيز اولان، يونگول کئچن يا دا نادير راست گلينن بعضي خسته‌ليکلر مئيدانا چيخار (اوچوق، زونا، پاموکچوک، ورم، آغجيير اينفئکسيياسي). آيريجا لينفا وزه‌لرینده (غدد لنفی) بؤيومه‌لر، حالسيزليق، ايشتاهسيزليق، سببي بيلينمه‌يه‌ن اوزون داواملي آتش(تب)، گئجه ترلمه‌لري، کيلو ايتکيسي (کاهش ورزن)، ايسهال، اؤسکورک، جينسي اورقانلاردا اوزون داواملي يارالار کيمي علامتلر اورتايا چيخار. آدامدا بو علامتلردن آنجاق بير نئچه دنه‌سينين بير يئرده اولماسي دوروموندا ایدز دوشونولمه‌ليدير. کاپوسي سارکومو، بعضي لئنفومالار، بئيين، آغ‌جييَر و گؤز ايلتيهابلاري دا HIV اينفئکسيياسينين دوشوندوره‌ن اؤنملی علامتلردن‌دير. ایدز خسته‌سينين آنتي HIV تئستي پوزيتيودير (مثبت).
HIV نئجه بولاشير؟
قان، جينسي علاقه‌ و آنادان کؤرپه‌يه اولماق اوزره اوچ يوللا يولوخور (اینتیقلال تاپیر).
قان ايله بولاشير.
ایدز خسته‌سينين و داشيييجيسي قانينداHIV تاپيلار. HIV-لي قانلا، چئشیدلی شکيللرده يولوخما اولور. نظارتسيز قان اینتیقالی ايله بولاشير.
ضدعفونی ائدیلمه‌میش قوللانیلمیش سوره‌نگ، ايينه، جراحي آلت‌لر، ديش حکيمليگي آلت‌لري، کسيجي و دئشيجي آلتلر (ماققاج، قايچي)، دؤيمه آلتلري و آکوپونکتور (سوننتی طیب) ايينه‌لري ايله بولاشير.
دامار ايچي نارکوتيک پايلاشديقلاري ايينه قوللانیمی، انژکتور و نارکوتيک مادده اريديلن قاشيقلارلا چوخ آداما يولوخما اولور.
HIV-لي کيشي و قادينين جينسي اورقانلارينداکي قانامالارين و عادت قانينين کیشی‌نین جینسی اورقانی، واژنه و آغيزا تماسي ايله يولوخما اولا بيلر.
HIV-لي اورقان، توخونما و ایسپئرما اینتیقالی ايله ده يولوخماسی اولور.
جينسي علاقه لر ايله بولاشير
HIV، قاندا اولدوغو کيمي کيشينين ایسپئرما مايه‌سينده، قادينين واژينا ايفرازاتيندا (ترشحات واژنی) دا تاپيلار. جينسل ایلیشگی سیراسیندا HIV کيشي‌دن قادينا، قاديندان کيشيي‌یه، کيشيدن کيشيي، قاديندان قادينا بولاشا بيلر. ایدز-دن باشقا جينسي علاقه‌يله بولاشان ان اؤنملی خسته‌ليکلر؛ بئل‌سوغوقلوغو(سوزاک)، سيفيليس و هئپاتيت (ساريليق) دير.hiv
خسته آنادان کؤرپه‌سي بولاشير
HIV اينفئکته، آنادان کؤرپه‌سينه حاميله ليک، دوغوم، اميزديرمه سیرایندا بولاشير. HIV موثبت قادينين دوغوراجاغي اوشاغا HIV-نين کئچمه نيسبتي% 30 قده‌ردير. سودله کئچه نيسبتي چوخ اولماماقلا بيرليکده اينفئکتئ آنالارا اميزديرمه تکليف ائديلمز. حاميله ليک و HIV ايله علاقه دار معلوماتلار اوچون ایدز مصلحت مرکزينه موراجيعت ائدين.
HIV-نين بولاشماديغي دوروملار:
HIV گونده‌ليک یاشامدا، بیر اوتاقدا یاشاماقدا، عئيني مکتبده اوخوما، عئيني هاواني تنففوس ائتمه ايله بولاشماز.HIV ساغلام دريدن کئچه بيلمز.
توپورجک، گؤز ياشي، تر، آکسيريک، اؤسکورک، سيده‌ک، نجیسه ال سيخما، درييه توخونما، اوخشاما، قوجاقلاما، گوناهسيز اؤپوشمه، يئمه‌کلر، ايچکيلر، چنگل، قاشيق، ایستَکان، قاب، تئلئفون توالئت، دوش، اوزمه هوووزو، دنيز، سونا، حامام، آغجاقاناد (پشه) و ديگر بؤجکلرين سانجماسی.
حئيوانلار: HIV-نین بولاشماسينا سبب اولا بيلمزلر.
ایدز دن نئجه قورونمالي؟
کونتورولسوز قان نقلي و HIV-لي قانا بولاشميش آلتلرين ايستيفاده ائديلمه‌سينه ایزین وئرمه‌یین.
قان نقلينده، ایدز تئستي آلینمامیش کونتورولسوز قان هئچ زامان ايستيفاده ائديلمه‌مه‌لي، تئست نتيجه‌سينده HIV منفي اولان قان قوللانیلمالی‌دیر.
قولانیلمیش و ضیدعوفونی ائديلمه‌ميش سوره‌نگ‌لر، ايينه، جراحي آلتلر، اولگوج، قايچي، ديش حکيمليگي آلتلري، دؤيمه آلتلري، آکوپونکتور(طب سنتی) ايينه‌لريني کسینلیکله قوللانمایین و سيزده قوللانماقلارینا ايجازه وئرمه‌گين. بئله عملياتلاردا واسيطه-وسايت بير دفعه‌ ايستيفاده ده آتيلمالي يا دا ايستيفاده ائديلن آلتلر قطعيليکله دئزينفئکسييا (ضد عفونی) و يا ایستیريل ائديلمه‌لي‌دير.
بدنينيز سيزيندير. سيزه اويغولاناجاق عملياتلار زاماني عاغيلينيزا ايليشن سورولاری قارشينيزداکينا سوروشماقدان چکينمه‌گين.
HIV موثبت کيشي، تئست نتيجه‌سيني اؤيرنديکدن سونرا قطعيليکله قان وئرمه‌مه‌لي‌دير.wad2
تدبير آلمادان جينسي علاقه‌يه گيرمه‌گين!
HIV هر جور جينسي علاقه‌يله بولاشير. تهلوکه‌سيز جينسي یاشام قايدالارينا اويغون گله‌رک جينسي يوللا بولاشمادان قورونماق مومکوندور. جينسي علاقه ده قورويوجو اؤرتوک = پرئزئرواتيو (کوندوم، کاپوت) ايستيفاده ائدين. قوردوغونوز علاقه نين تهلوکه‌لي اولماياجاغيني دوشونسه‌نيز بئله اؤرتوک (کاندوم) قوللانماسینا لاقئيد ياناشمايين. HIV-اينفئکته آدام اؤزونو و جينسي يولداشيني قوروماق اوچون هر جور جينسي علاقه سينده کاندوم (اؤرتوک) قوللانمالی‌دیر.
HIV-نين يولوخما یوللارینی انگلله‌مه‌لی‌سیز
جينسي حيات يولداشي سايي‌نين چوخلوغو بولاشما ريسکيني آرتيران بير فاکتور اولدوغو بيلينمه‌لي‌دير.
جينسي يوللا سيزه بولاشان بير خسته‌ليگينيز وارسا گووه‌نجه‌سيز علاقه‌يله خسته‌ليگين باشقاسينا بولاشاجاغيني و HIV-نين سيزه يولوخما اولاسیلیغی‌نین (احتمال) آرتاجاغيني اونوتمايين.
آلکول و نارکوتيکلر دوغرو و ساغلام دوشونمه‌گه مانع تؤرَده‌رک، جينسي علاقه‌ سیراسیندا منفي داورانيشلارا نده‌ن اولابيلر.
باشقاسينين آلت(زیر) پالتارلاريني قوللانمادا ایدز بولاشماسا دا بئلسوغوکلوغو(سوزاک)، گؤبه‌لک خسته‌ليکلري، قاشينما بؤجه‌گي، قاسيق بيتي کئچه بيلر.
لابوراتورييا تانیسی (تشخیص آزمایشگاهی)
HIV اينفئکته ائتديگي بدنده، چئشیدلی سئللول و توخومالارا يئرلشير. HIV ائنفيکسييونلو آدام یاشامینین سونوندا دک “HIV داشييي‌جي‌سي” اولاراق قالير.HIV داشييان آداما ” HIVموثبت” و يا “HIV اينفئکته” دئييلير. بونو ايفاده ائتمه‌ک اوچون آنتي-HIV (ELISA) تئستي ائديلر. HIV-یه قارشي بدنده 2-3 آيدا آنتي‌کورلار مئيدانا گه‌لر. بو آنتي‌کورلار قان زردابيندا آنتي-HIV تئستي ايله تعیین اولونار. تئست ائتديرمه‌ک ايسته‌ين کیمسه بیلگی آلمالي و اؤز ايراده‌سي ايله تئست ائتديرمه قراري وئرمه‌لي‌دير. تئستين نتيجه‌سي موثبت ايسه (سئروپوزيتيف) آدام HIV اينفئکته دئمکدير.
HIV-نين اؤلدورولمه‌سی
HIV خاريجي موحيطده بير نئچه ساعاتدا، قورودوغوندا ياريم ساعاتدا اؤلور. HIV قوروموش قاندا دا قيسا زاماندا اؤلور.
HIV-لي مادده‌لرين (قان، ایسپئرما، واگينا ايفرازاتي(ترشحات واژنی)) اولدوغو اشيالاري بير نئچه دقيقه قايناداراق و يا 60 درجه‌ده 30 دقيقه ایستیله‌تمه‌ک‌له HIV-نی اؤلدوره بيلرسينيز.
سولانديريلميش پالتارلار چاماشیر سویو ایله تماس ائتديگي HIV-نين 30 دقيقه ايچينده اؤلدورور. سدیم هيپوکلوراید، یویوجودا اولان تاثيرلي مادده‌دير، ايچينده خلور (کلر) وار. چاماشیر سويو معدن‌سل اشيالارا ضرر وئرير.
سو و يا سابونلا ياخشيجا يويولماسي ايله بوتون ميکروبلار کيمي HIV-یی دريدن اوزاقلاشديريلير. يويوندوقدان سونرا درينين آلکول ايله تميزلنمه‌سي اويغون اولور. يارالانما اولدوغوندا يارا يئري اول صابین و سو ايله يويولمالي، سونرا تئنتوردييوت و يا بئتادين کيمي بير آنتي‌سئپتيک اویغولانمالی‌دیر.
HIV-یی اؤلدورن ديگر مادده‌لر
Bacteranios D, Buraton 10F, Cidex, Gıgasept, Lysetol V, Presept, Steranios, Virkon -دور. داها چوخ خسته خانالاردا قوللانیلماق اوزره چيخاريلميش اولان بو مادده‌لرين قوللانیملاری دفترچه‌لرینده يازيلميشدير. اولتراویولئت(اشعه فرابنفش) ايله شوعالانما HIV-نين يوخ ائديلمه‌سي اوچون تکليف ائديلمه‌يه‌ن بير اوصولدور. اولتراویولئت شوعالاري بيرباشا تماس ائتديگي سطحده‌کي ميکروبلاري اؤلدورور. جيسمين آلتيندا اولان ميکروبلاري اؤلدورمز .

چئویرن:حامید مورسلی

مطالب پیشنهادی :

باخیش گؤندر