توک‌لریمه “ژل” یاخسام کئچل اولاجاغام?!

توک‌لریمه “ژل” یاخسام کئچل اولاجاغام?!

توک‌ و اونا باغلی اولان مسئله‌لر حاقدا نه‌قدر بیلگی‌نیز وار!؟ بیلگی‌لرینیزین دوغرو(صحیح) یوخسا توپلومون یانلیش دوشونجه‌لریندن آسیلی‌اولدوغون‌دان خبرینیز وار!

توکون تؤکولمه‌سی حاقدا هامیمیزین آزما چوخ بیلگیمیز(اطلاعات) وار اما بیلگی‌لرینیزی سیناماق (امتحان)و البته اونلارین دوغرو ویا یانلیش(غلط) اولدوق‌لاری‌نی بیلمک ایسته‌ییرسینیزسه آشاغی‌دا یایینلانان یازی‌لاری اوخومالی‌سینیز:

ژل،تاف، کتیرا و… توک‌لرین تؤکولمه‌سی‌نه ندن اولورلار!
یانلیش: ژل تاف،کتیرا و.. توک‌لرین تؤکولمه‌سینه ائتگی‌لی دئییل‌لر!بو اوزدن گنج‌لر نه‌قدر سئویرسینیز باشینیزا ژل یاخین.دئمه‌لی‌دیر ؛ ژل‌ین ایستاندارد اولماسی‌نی ورقولامالی‌ییق.

باشین توک‌لری‌ سرین سویونان یویولسا توکون تؤکولمه‌سی‌نین قاباغی‌نی آلابیلر!؟
یانلیش: توک‌لرین تؤکولمه‌سی سرین سو ویا ایستی سویا باغلی دئییل و توکون تؤکولمه‌سینه ندن اولابیلمه‌ز! اما قان دولانیمین (جریان خون)حرکتی‌نی باش بؤلگه‌سینده چوخالدار.

توک‌لرین گونده‌لیک تؤکولمه‌سی یاخین گله‌جک‌ده کئچل و داز اولماغا یول آچار!
یانلیش: گونده اورتالاما(به طور متوسط) ۱۰۰تئل توکون تؤکولمه‌سی نورمال‌دیر.گرچک‌ده بو گونده‌لیک (روزانه)تؤکولموش ساچ‌لارین یئرینه یئنی توک چیخاجاق‌دیر.

توکون تؤکولمه‌سی ۳۰ یاشدان باشلانار!؟
دوغرودور: یاشین چوخالماسی‌لا توک‌ کؤکولرین ساییی‌سی(تعداد) آزالار.یاشین چوخالماسی‌لا توک‌لر اینجه‌له‌شرلر.

باشلارینا سوره‌کلی بؤرک قویانلار کئچل اولاجاق‌لار!
یانلیش: بؤرکونوز باشینیزا چوخ دار اولماسا توکوزون تؤکولمه‌سی‌نه ندن اولماز! یئتددی گئجه ویا۷ گئجه گوندوزده باشینیزا بؤرک قویسانیزدا یئنه توک‌لرینیزین تؤکولمه‌سینه ندن اولماز.

توک‌لریمیزی آت قویروغو ویا اونا اوخشار مودل‌لرده باغلاساق ویا هؤرسک توکوموزون تؤکولمه‌سی‌نه یول آچا بیلر!
دوغرو: بیر سیرا ساچ هؤرمک‌لر و باغلاماق‌لار باشا و توکه یوخاری فیشار گتیره‌رلر؛ بو گلمیش باسینجین اثرینده توک ضعف‌له‌نیب و توکون تؤکولمه‌سی‌نه سبب اولور،آرتیرمالی‌دیر، بیوگودی ایسه(نیز) ایستی و باسینج‌لی اولماسی اوچون، ساچلارین تؤکولمه‌سی‌نه یول آچار.

توک‌لرین وورولماسی و کسدیرمه‌سی،تؤکولمه‌یین قاباغی‌نی آلار!
یانلیش: توک‌لرینیزی ووراندان سونرا ساچ‌لارینیز قالین‌له‌شمیر! بلکه توکون قیل‌لاری کؤک بؤلومونده یوخاری بؤلوم‌لره گؤره داها قالین‌دیر؛ بواوزدن سیز توک‌لرینیزین گوجله‌نمه‌سی‌نی و قالین‌له‌شمه‌سی‌نی یانلیشجاسینا سانیرسینیز (لوتفن اوشاق‌لارین توک‌لرینی صیفر نومره ایله قیخترمایین!)

مطالب پیشنهادی :

2 نظر

  1. ali می‌گه:

    چوخ چوخ چوخ یاشیین…
    دوزدی من ژل یاخمارام ساچلاریما آما همیشه بله دوشونردیم کی ژل یاخسام توکلریم توکولجاخدیر… دوغرودان کی بیلیم سسی‌سیز

باخیش گؤندر